Ribadeo, 20 de decembro de 2021. O CIM pon en marcha un ano máis a campaña Co-educa xogando para concienciar sobre a necesidade de romper cos estereotipos sexistas asociados a determinados xoguetes, cores e actividades.
Desde o CIM sinalan: “queremos lembrar a importancia na elección dos xoguetes coa campaña Co-educando xogando, dirixida tanto ao público en xeral como ao ámbito educativo máis directamente, orientada a concienciar sobre a necesidade de romper cos estereotipos sexistas asociados a determinados xoguetes, cores e actividades”.
O CIM considera que “debemos ter unha guía á hora de adquirir xoguetes para os nosos nenos e nenas e por iso presentamos un decálogo útil para esta tarefa que resumimos así: o xoguete debe pode ser utilizado por nenas ou por nenos indistintamente, non hai xoguetes de nenas e nenos; romper cos estereotipos sexistas asociados a determinadas cores; tentar elixir xoguetes que reflictan a diversidade de cada persoa; regalar xoguetes que faciliten a cooperación e a comunicación; buscar xoguetes que axuden a desenvolver as diversas capacidades e habilidades dos nenos e nenas; buscar xoguetes que potencien a igualdade na participación, así como o desenvolvemento de sentimentos e afectos sen diferenciación; evitar xoguetes e xogos violentos fomentando o uso de xoguetes didácticos; buscar libros, videoxogos e xoguetes nos que se nomeen e sexan protagonistas tanto nenos como nenas; deixemos que as nenas e nenos elixan, sen verse condicionados por roles tradicionais; e o xoguete que agasallemos hoxe fomentará valores humanos e persoais que lles serviran para nun futuro compartir traballos e responsabilidades”.
Desde o CIM de Ribadeo “animamos ás familias para romper cos tópicos regalando ás súas fillas e fillos xoguetes e obxectos neutros, sen diferenzas en función do sexo -como bicicletas, libros, material deportivo, xogos de ciencia e outros xoguetes didácticos-. Debemos evitar o contido violento e sexista dalgúns videoxogos que presentan unha imaxe distorsionada de homes e mulleres. Na actualidade, atopamos no mercado algúns videoxogos, que si contribúen ao desenvolvemento de actitudes e comportamentos de cooperación e nos que non aparecen personaxes femininos como un obxecto sexual e personaxes masculinos caracterizados pola súa violencia e crueldade”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
