Xermade, 17 de decembro de 2021. O Grupo Municipal do Partido Popular de Xermade esixiu ao goberno local durante o pleno celebrado este xoves que promova a conservación, mellora e difusión das rutas de sendeirismo do municipio, “espazos naturais de valor etnográfico, histórico e paisaxístico que deben ser orgullo para veciños e reclamo para visitantes”.
O Concello recibiu recentemente unha subvención da Xunta para publicitar e poñer en valor as rutas, camiños e sendeiros baixo a denominación ‘Camiños de Xermade’ que inclúe catro rutas: do Batán de Folgoso (Lousada), do río Trimaz (Cabreiros), dos Pasos da Pontenova (Candamil e Burgás) e Xermade-Sotavento (Xermade e Momán). O voceiro popular, Antonio Riveira, sinala que “das catro rutas, apenas a do río Trimaz presenta un mínimo estado de decoro para poder percorrela. As demais están en mal estado”.
Concretamente, explica Riveira que “desapareceu o cartel de sinalización da ruta dos Pasos da Pontenova, na Charca dos Patelos, ademais de non facerse un mínimo de conservación nos propios pasos sobre a Pontenova do río Trimaz”. Na ruta do Batán de Folgoso había pontes de madeira ao longo do río que foron afectadas polo tempo rompendo os chanzos de madeira e limitando a accesibilidade provocando as queixas dos grupos de roteiros. Resulta paradóxico que exista un enlace na web do Concello para anunciar o proxecto de rehabilitación de elementos etnográficos para creación dun centro de interpretación en Folgoso, pero que o goberno local non se preocupe por realizar un mínimo de conservación”, incide o popular. E a ruta Xermade-Sotavento, “desde que a deseñou e presentou o anterior goberno municipal, non recibiu nestes seis anos ningún impulso na sinalización nin mellora nos camiños que a conforman”.
Os populares recordan que “os camiños necesitan conservación, melloras, sinalización e estudos de ampliación” e, polo tanto, cren que “é momento de prever estudando as actuacións, as necesidades de orzamento e as xestións que sexan precisas para que as rutas estean acondicionadas na próxima temporada”.
Iniciativas en defensa dos intereses dos gandeiros
O Grupo Municipal Popular levou ao pleno ordinario da corporación dous asuntos de interese para os gandeiros do municipio. Riveira lamenta que “o grupo do PSOE se abstivese e non apoiase a iniciativa de apoio ao sector lácteo coa que pretendían, entre outras cuestións, esixir ao Ministerio de Agricultura, Pesca e Alimentación habilitar mecanismos para garantir que o prezo que reciben os gandeiros polo leite cubra, polo menos, os custos de produción; tal e como recolle a Lei da Cadea alimentaria”.
Os populares amosaron, por outra parte, o seu rexeitamento a que o Ministerio para a Transición Ecolóxica incluíse ao lobo no listado de especies silvestres en réxime de protección especial. Nese sentido, conseguiron que o PSOE se sumara á iniciativa para que o Concello solicite ao Ministerio que esta especie continúe a ser cinexética e, polo tanto, estea permitido o seu control; xa que “o lobo causa numerosos danos entre os nosos gandeiros”. A moción do PP, que foi aprobada por unanimidade, incluía a solicitude ao Ministerio para habilitar axudas aos gandeiros para adoptar medidas de prevención e paliar os danos que causen os lobos.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
