A Mariña, xoves 30 decembro 2021. O BNG vén de analizar e valorar a nova situación en Alcoa e na comarca despois de que o resultado do referéndun fose favorable á proposta da multinacional. Os nacionalistas manifestan unha vez mais o seu apoio ás traballadoras e traballadores da fábrica e das empresas auxiliares, aos que lles tocou vivir unha situación durísima tendo que asumir a responsabilidade de decidir eles sós non só o futuro da factoría de San Cibrao, senón o futuro de toda unha comarca, ao ignoraren o Estado e a Xunta esta petición unánime do conxunto da sociedade mariñá.
“As posturas do Psoe e do PP e dos gobernos que sustentan, desoíndo o clamor mariñao pola intervención da factoría de San Cibrao son a causa desta situación de incerteza para a comarca á que unha vez mais o Estado e Xunta deixan abandonada” afirmou o deputado mariñao no Parlamento de Galiza, Daniel Castro.
Continuar no traballo diario e na loita para reverter esta grave situación
En términos semellantes pronunciouse o responsable comarcal da organización, Antonio Veiga, amosando a disposición do BNG para continuar no traballo e na loita diaria para reverter esta situación preocupante e de incerteza que se vén enriba do tecido económico e industrial da Mariña, “porque os dereitos e as conquistas sociais son sempre fruto das mobilizacións sociais, nunca da paz social, e moito menos se esta vén auspiciada polas multinacionais, ás que nada lles importa a situación da nosa comarca e das nosas pequenas empresas, só lles importan os seus intereses”, afirmou.
Desde o BNG consideran que tanto o Goberno do Estado (Psoe-UP) coma o PP na Xunta foron e son os cómplices necesarios deses intereses das multinacionais, non só no caso de Alcoa senón tamén no caso de Vestas.
O Bng esixe das administracións o compromiso inmediato para a reindustrialización e dotación de infraestruturas
O BNG insiste na necesidade dun Plan de Reactivación Económica para A Mariña con compromisos firmes e no que tenen que implicarse conxuntamente Goberno Central e Xunta e no que se inclúa un Plan de Inversión en Infraestruturas xerais e estratéxicas, xeradoras de emprego (transporte, autovía, vía de alta capacidade, solo industrial, medio ambiente….) e que evite o desequilibrio territorial consecuencia de anos de desigualdade que sufre A Mariña a respecto doutros territorios. Unha comarca a nosa donde os investimentos da Xunta e do Estado nunca foron directamente proporcionais aos nosos recursos, ás nosas potencialidades e ao noso traballo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
