Compostela, 30 de decembro, 2021. O número dous dos populares galegos, Miguel Tellado, afeou que a visita a Galicia da ministra de Industria, Comercio e Turismo, Reyes Maroto, só servise para facer propaganda electoral do Partido Socialista en vez de achegar solucións á crise industrial que sofre a Comunidade.
Así se expresou o dirixente do PPdeG tras a xuntanza de Maroto co secretario xeral do PSdeG, Valentín González Formoso, e con alcaldes e portavoces socialistas da comarca da Mariña lucense para avaliar a situación de Alcoa, cuxa planta en San Cibrao cerrará a súa actividade durante dous anos. “É improcedente que a ministra veña a Galicia para sacarse fotos como ministra do PSOE, en lugar de ser a ministra dun Goberno que debería representar a todos os galegos e, no seu caso en concreto, defender a nosa industria”, manifestou.
“Advertimos hai moito tempo que a falta dun prezo eléctrico competitivo complicaba o futuro de Alcoa en San Cibrao”, dixo Tellado lembrando que a situación actual da industria vén provocada por unha política enerxética do Executivo central totalmente equivocada e que está xerando desmantelamento do tecido empresarial, afectando de maneira especial a Galicia e a determinadas comarcas, como é o caso da Mariña.
“Dende o PPdeG seguiremos apoiando aos traballadores de Alcoa e reclamando a implicación do Goberno e da propia empresa para garantir a reactivación da planta canto antes. Parar a produción de aluminio primario en Galicia durante dous anos é unha noticia nefasta”, asegurou.
Ademais, o secretario xeral referiuse á situación de Vestas -a plantilla aceptou unha conciliación previa ao xuízo contra o ERE-, de cuxos traballadores se esqueceu a ministra Maroto. “Tamén neste caso se botou en falta a implicación do Goberno, que mantivo a súa pasividade para localizar investidores”, engadiu.
Segundo resaltou, a única realidade é que hai tres anos estas empresas non tiñan as complicacións que teñen agora para seguir coa súa actividade, cuestionando que tanto con Alcoa como con Vestas o Executivo de Pedro Sánchez optou pola inacción: “Desentendéronse dos problemas, evitaron facer unha fronte real cos traballadores e a Xunta e non presentaron alternativas para tratar de chegar a solucións, que foi o que reclamamos durante moitos meses”.
O PSdeG SEGUE APLAUDINDO AO GOBERNO
Miguel Tellado tamén lamentou a actitude do PSdeG, evidenciando que a chegada de Valentín González Formoso á secretaría xeral non supuxo ningún cambio na formación, pois “é evidente que os socialistas galegos continúan á disposición dos obxectivos do PSOE en Madrid, aplaudindo todas as súas decisións aínda que estas prexudiquen e vaian en contra dos intereses da nosa Comunidade”.
Do mesmo xeito, criticou que no día de hoxe os alcaldes e portavoces do PSOE da Mariña si estivesen presentes para sacarse unha foto coa ministra Maroto, xa que durante todos estes meses permaneceron ausentes e sen ofrecer ningunha resposta á difícil situación industrial da comarca que deberían defender.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
