Foz, 28 de xaneiro de 2022. A subdelegada do Goberno, Isabel Rodríguez avanzou hoxe unha nova actuación para poñer en valor os recursos naturais da Mariña, dentro da súa aposta pola dinamización económica e turística da comarca, despois de participar esta mañá na sesión de constitutiva da comisión de seguimento do Plan de Sostibilidade Turística da Mariña lucense, no que o Goberno inviste un 1.000.000 de euros. A subdelegada explicou que o Ministerio para a Transición Ecolóxica e o Reto Demográfico ten previsto investir 400.000 euros para a realización de diversas melloras na praia de Llás, no concello de Foz.
Isabel Rodríguez, que efectuou unha visita á praia acompañada polo alcalde, Francisco Cajoto, lembrou que este proxecto súmase a outras ambiciosas iniciativas nas que traballa o mesmo departamento como son a creación de dous sendeiros para peóns entre Peizás á Pampillosa, tamén en Foz, ou entre Os Castelos e a praia de Fomento, no municipio do Vicedo.
A subdelegada informou de que a actuación que ten proxectada o Servizo Provincial de Costas para a praia de Llás consiste na estabilización medioambiental, inclúe a eliminación de especies exóticas e restauración con autóctonas e forma parte don unha nova mostra do compromiso do Goberno coa Mariña.
No proxecto contémplase tamén a posta en valor do sistema dunar desta praia coa colocación de paneis divulgativos. Tamén se prevé o encauzamento do afluente central da praia mediante pilotes de madeira, evitando así a erosión e deterioro desta zona ocasionado polas avenidas periódicas producidas no devandito contorno.
Igualmente o proxecto contempla a execución dunha nova pasarela de madeira na zona central da praia e un aparcamento co fin de mellorar o estacionamento e accesibilidade da mesma.
O proxecto de melloras na praia de Llás sométese a información pública, desde hoxe e por un prazo de 20 días hábiles, unha vez publicado no Boletín Oficial do Estado.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
