Foz, 26 de xaneiro de 2022. O Concello de Foz levará a aprobación ao próximo pleno da corporación municipal, que se celebrará o 3 de febreiro, a presentación do expediente para a declaración do Entroido focense como Festa de Interese Turístico Galego.
O alcalde, Fran Cajoto, explica que “o Entroido da Mariña por antonomasia é o de Foz. Este ano cumprirá a 40 edición do seu desfile (despois do obrigado confinamento e aposta polos medios electrónicos na anterior edición), mais o arraigamento e a existencia da vea carnavaleira en Foz é moito anterior”.
Dende o departamento municipal de Cultura esperan “que a corporación se una para buscar da man o recoñecemento a un evento que fortalece a Foz e une a moitos lugares da Mariña que acoden e comparten a ilusión de sacar un sorriso ao mundo cos seus múltiples traxes, cores e vitalidade”, apunta a concelleira de Cultura, Inés López Couto.
Dende a asociación O Noso Foz, que organiza tamén o Entroido, o seu presidente, Ángel Fernández Neira, quere recordar que “isto sería un recoñecemento a todos aqueles que ao comezo saíron á rúa con medo, debido á ditadura e ás posibles represalias, e tamén para todos aqueles que colleron o guante e continuaron traballando para que o Entroido medrara e chegara a ser o que é hoxe en día”.
O rexedor municipal destaca que “todo isto non sería posible sen o traballo dos técnicos municipais que levan moito tempo buscando información, contactando con grupos, persoas relacionadas coas diversas organizacións do evento ao longo dos anos así como a prensa e outros moitos colaboradores, sobre todo veciños, que aportaron o seu gran de área en forma de datos, fotos ou recortes. O traballo de recompilación e redacción da Técnico de Cultura, Pilar López, debe ser recoñecido e este proxecto non sería posible sen o seu esforzo; o do cronista oficial de Foz, Xoán Ramón Fernández Pacios; a auxiliar de Cultura e tantos outros colaboradores habituais”.
Fran Cajoto explica que “se a proposta se aproba a documentación será remitida integramente á Xunta de Galicia, que será o órgano encargado de outorgar ou denegar este recoñecemento ás veciñas e veciños de Foz, que finalmente son os encargados de facer esta festividade tan importante na Mariña e na que acollen cos brazos abertos a grupos de toda a comarca así coma da veciña Asturias. O Entroido é Foz: este ano máis ca nunca e con todas as cautelas estamos a organizar os distintos eventos, como a comida do carnaval e o desfile, coa colaboración e a achega das nosas comparsas e grupos, que son un exemplo de unión. Aquí non se pregunta de que equipo de fútbol es senón a que grupo pertences: o carnaval fai pobo”.
“Dende o Concello queremos agradecer á todas as comparsas, grupos, carrozas, individuais, charangas e demais participantes no desfile o seu traballo e implicación para o crecemento do noso Entroido. Agradecer tamén a todos aqueles colaboradores habituais na recompilación de información e fotos, que son veciñ@s de Foz, así coma todos os visitantes neses días e a tod@s aqueles que desfrutan do Entroido focego. Sen todos eles isto non sería o que é. Isto é Foz e aquí hai Carnaval!!”, finaliza a edil de Cultura.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
