“Non nós van calar: O BNG vai seguir defendo o interese de Galiza fronte ao lobby eléctrico por moito que lle moleste a Rueda”, proclama
Santiago de Compostela, 15 xullo de 2026. A portavoz nacional, Ana Pontón, denunciou a “cacería política” do PP contra o alcalde de Muras, Manuel Requeijo, “simplemente porque lle planta cara ás eléctricas para defender os intereses dos veciños e das veciñas de Muras”.
No acto de presentación da candidata do BNG á Alcaldía de Ames, Escarlata Pampín, a líder nacionalista considerou gravísima a campaña de desprestixio iniciada polo PP e que enmarcou nun contexto de “involución democrática que tamén se deixa sentir en Galiza”.
“Un exemplo témolo na cacería política ordenada por Rueda contra o alcalde do BNG de Muras, simplemente porque lle planta cara ás eléctricas para defender os intereses dos veciños e das veciñas de Muras”, remarcou. Unha posición por parte do rexedor que é o que “o Partido Popular non pode soportar”, incidiu.
“Rueda non soporta que, mentres el como presidente da Xunta se pon do lado das eléctricas, do lado das macrocelulosas contaminantes, o BNG o que fai é poñerse do lado de Galiza, da cidadanía galega e da xente do rural, como está facendo o alcalde de Muras”, recriminou Pontón, quen recalcou que, por esta razón, o PP “inicia unha persecución e un intento de desprestixio contra o BNG e contra o alcalde de Muras”.
A líder nacionalista afirmou que, pese aos seus intentos, os populares “xa non enganan a ninguén” e o único que deixan ao descuberto son “as vergoñas do goberno de Rueda, que pon o lobby eléctrico por diante de Galiza”.
“Muras é o concello que ten mais eólicos do País e, por moito que lle moleste ao Partido Popular, o BNG vai seguir defendendo, en Muras e en todo Galiza, os intereses xerais fronte ás eléctricas”, avanzou.
“Quero dicirlles que teñan moi claro que non nos van parar nin nos van calar coas súas campañas difamatorias nin con ningunha cacería política, imos seguir plantándolle cara ás eléctricas”, concluíu.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
