As e os socialistas advirten de que a acumulación de maleza supón un risco para a seguridade das persoas e dos bens e esixen que o PP aplique a lei
Xove, 19 de xullo de 2026. O Grupo Municipal Socialista de Xove vén de rexistrar no Concello unha solicitude urxente para reclamar ao Goberno local do Partido Popular a inspección e limpeza das parcelas que incumpren as franxas de protección contra incendios no termo municipal.
Dende o PSdeG explican que varias parcelas do municipio presentan unha importante acumulación de vexetación que, presuntamente, incumpren as obrigas de xestión de biomasa establecidas na normativa galega de prevención e defensa contra os incendios forestais. “Falamos dun grave problema de seguridade que o Concello non pode seguir deixando pasar”, advirten.
As e os socialistas poñen como exemplo catro parcelas situadas na marxe dereita da Rúa Pedride, en dirección ao Palmeiro, así como contornas de instalacións sensibles como depósitos de auga ou casetas de transformadores eléctricos. Segundo sinalan, trátase de espazos nos que a falta de limpeza incrementa o risco en caso de incendio e pon en perigo tanto as persoas como os bens e a propia contorna.
“O Concello ten ferramentas para identificar as parcelas que non cumpren; o que falta é vontade política para actuar con previsión e facer cumprir a lei”, subliñan, ao tempo que lembran que a Lei 3/2007 establece obrigas claras en materia de xestión da biomasa nas franxas de protección.
Na solicitude, o PSdeG reclama que os servizos técnicos municipais inspeccionen as parcelas próximas ás vivendas en todo o termo municipal. Ademais, pide que, no caso de comprobarse o incumprimento da normativa, o Concello comunique formalmente aos propietarios a obriga de proceder á limpeza no prazo legalmente establecido. Así mesmo, solicita que, se os propietarios non atenden o requirimento, o Goberno local adopte as medidas previstas na lexislación vixente, incluída a execución subsidiaria por parte do Concello.
“O noso obxectivo é preservar a seguridade das persoas e da contorna”, salientan, e alertan de que esta situación volve evidenciar a falta de planificación do PP en materia de prevención. “Salgueiro é o máximo responsable na súa calidade de xefe de Protección Civil no Concello de Xove. Non pode limitarse a mirar cara outro lado mentres hai parcelas sen limpar e instalacións especialmente sensibles rodeadas de maleza”, concluíron as e os socialistas.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
