Ribadeo, 18 de xaneiro de 2022. O concelleiro de Deportes, Jorge Díaz, destaca as tarefas de mantemento realizadas no céspede do estadio Pepe Barrera a mediados de tempada, agora no inverno. Deste xeito responde ás críticas vertidas polo PP ao que lle lembra a pequena achega realizada pola Xunta no seu día para a mellora do campo. A Jorge Díaz Freije chámalle a atención que os populares se preocupen agora por estas cuestións.
O edil ribadense cre que “a valoración técnica é a máis importante e o que se trata é de informar, cousa da que eles non están pola labor. Lévano facendo noutras áreas e non ía ser diferente neste caso. O estado do campo do Pepe Barrera levou, hai un mes, un mantemento de mediados de tempada no que se pincha, se resembra, se abona e se volve meter outra vez substrato para que teña forza e aguante todo o que queda de tempada futbolística. Isto leva un proceso. Normalmente no verán ou na primavera nótase antes, pero no inverno tarda un pouquiño máis en facer efecto e que se vexa”.
O concelleiro de Deportes dixo que “como xa nos teñen acostumados estes grandes sabedores de todo, que é o grupo popular, e agora tamén teñen un xardineiro fiel que se dedica ao tema dos campos de fútbol, parece ser que teñen un criterio diferente e desde logo que non vai acorde coa situación do céspede”.
Jorge Díaz engadiu que “tamén quedo atónito coas declaración sobre o tema económico. Agora parecer ser que lles interesa o campo e o que custou. Cando foi a hora de poñer ese terzo que lle tocaba a cada administración, neste caso é a Xunta non é que puxera un terzo, puxo tan só un terzo dun terzo. Hai por aí uns pictogramas coas cantidades, que é exactamente o que puxo a administración galega”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
