Viveiro, 20 de xaneiro, 2022. Aos poucos meses de aprobarse a moción do BNG para baixar a siniestralidade en Covas, a Xunta de Galiza dende a AXI (Axencia Galega de Infraestruturas), mostraba a súa conformidade á proposta nacionalista e mandaba ao Concello de Viveiro un proxecto elaborado para mellorar a seguridade viaria nesta estrada que atravesa Cantarrana.
A día de hoxe e meses máis tarde, María Lourero continúa sen remitirlle resposta algunha á Xunta de Galiza, retrasando as obras de mellora, así como tampouco fixo nin cumpriu co apartado número 3 da nosa moción que insta ao Concello de Viveiro a xestionar o uso de solares privados dispoñíbeis en Cantarrana como aparcadoiros públicos provisionais, medida que aumentaría de forma considerable o número de prazas de aparcamento na zona.
A concelleira do BNG Míriam Bermúdez, preguntou neste pleno de xaneiro polos avances desta moción, mais para a alcadesa parece ser unha ardua tarefa a de xestionar solares privados como aparcadoiros públicos, e así o confirma o feito de que pasase un ano desde a aprobación da moción sen ningún avance por parte da administración que rexenta.
Míriam Bermúdez afirma que “é unha mágoa que Cantarrana non conte con máis prazas de aparcamento pois son mínimas as xestións. É unha medida moi sinxela de aplicar e extendida en numerosos concellos, utilizando diversos métodos legais como o comodato ou préstamo de uso”.
Ocultación de datos
Ademais da pouca disposición do PSOE de Viveiro por respectar os acordos plenarios, tamén hai que sumar a ocultación intencionada de información relevante ao BNG.
Míriam Bermúdez preguntoulle á alcaldesa por que non lle fora remitido ao BNG un escrito que fixo o propietario dun solar, quen especificou no propio documento que fose remitido a todos os membros da corporación municipal. No escrito, o propietario solicitaba que se lle tivese en conta ou seu solar despois de máis dunha década prestándoo gratuitamente para o seu uso público como aparcadoiro nas inmediacións do Colexio de Covas.
María Loureiro non contestou nin ao propietario do solar ao escrito rexistrado nas dependencias do Concello, nin a pregunta de Míriam Bermúdez formulada na sesión plenaria.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
