Foz, 19 de xaneiro de 2022. Moitas das vías municipais de Foz atópanse en moi mal estado, como poden comprobar cada día os veciños que padecen as numerosas e graves deficiencias que presentan os seus pavimentos. As estradas, especialmente polas parroquias, están moi descoidadas, moi deterioradas. O grupo municipal do PP reclama do Concello que planifique os investimentos necesarios para mellorar as vías que son titularidade do Concello. Os populares demandan “un plan de estradas para tratar de paliar todas as deficiencias”.
O portavoz municipal do PP, Javier Castiñeira, sinala: “O Concello de Foz ten que tomar medidas, fundamentalmente dúas, que son relativamente fáciles de poñer en práctica”. Explica: “A petición que fai o PP e, en primeiro lugar, que, por un lado, o investimento nas estradas se faga a cargo do 80% dos arredor de 430.000 euros que recibe o Concello da Deputación por medio do Plan Único; hai que ter en conta que as vías locais son fundamentais para facilitar a vida aos nosos veciños”.
Por outro lado, Castiñeira di que o resto do investimento nas vías municipais debe proceder do propio orzamento do Concello para o ano en curso. Lamenta que, un ano máis, “temos iniciado o exercicio e, como xa é costume no equipo de goberno, aínda non presentou o orzamento (acostuma a presentalo a metade de ano)”. Urxe ao goberno local a tramitar o orzamento “con moita máis présa” e considera que “habería que estar traballando xa”.
Castiñeira explica que “dende o PP seguimos facendo oposición construtiva e propoñendo”.
Os populares destacan que a rede viaria local é fundamental e que “os investimentos, tanto a cargo do Plan Único como do orzamento municipal do 2022, deben ir encamiñadas a mellorar as estradas municipais e facilitar a vida aos veciños da parroquia, que levan dous anos abandonados polo bipartito focense (PSOE e BNG)”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
