Burela, 29 de xaneiro, 2022. O espectáculo do Clásico no cumio saldouse con repartición de puntos entre Futsi Altlético Navalcarnero e Pescados Rubén Burela FS e sen goles, aínda que si moitas, moitísimas, ocasións. As Guerreiras Laranxas suman un bo punto nun desprazamento ao que acudían con baixas sensibles e despois de non poder traballar o envite nas condicións ideais.
A intensa e emocionante cita comezou cunha boísima intervención de Emilly para as galegas. A resposta das locais foi inmediata con María Sanz nun compromiso no que o Futsi asumiu a posesión fronte un Pescados Rubén moi serio en defensa, con criterio e personalidade, buscando nas transicións a súa mellor arma e o seu maior perigo.
Tras o descanso, ás mariñás quizais lles queimou un pouco o balón nos pés fronte un rival que gañou en chegadas á portería de Jozi, que soubo responder á perfección para manter as táboas no electrónico con actitude e ganas das súas compañeiras en defensa. Leti, á contra, rozou a iniciativa visitante nunha recta final na que o esforzo se reflectiu nos dous equipos.
Antes de comezar a segunda volta a próxima fin de semana, ambas as escuadras terán compromiso no medio de semana. As madrileñas teñen previsto recuperar a xornada 14 con Alcorcón o martes 1. As galegas disputarán o partido da segunda eliminatoria de Copa da Raíña o mércores –día 2- na pista de Universidad de Alicante (19.00 horas) para seguir rumbo a Melilla, para o seu compromiso de liga o sábado coa xornada 16 (18.30 horas).
Ficha técnica
Futsi Atlético Navalcarnero: Belén de Uña, Ari, María Sanz, Ju Delgado, Ame Romero, cinco inicial; tamén xogaron Becha, Irene Córdoba, Anita Luján, Laura Córdoba, Lorrana
Pescados Rubén Burela FS: Sandra Buzón, Cilene, Cami, M. Cortés, Emilly, cinco inicial; tamén xogaron Ale de Paz, Elena Aragón, Bea Mateos, Elenita, Jozi Oliveira
Árbitros: Manso Martín // Mayo López. Por Futsi amarela Ari (minuto 25). Por Burela amarela a M. Cortés (minuto 36).
Incidencias: Partido correspondente á xornada 15 de Primeira RFEF Feminina disputado en La Estación.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
