A Mariña, 12 de febreiro de 2022. O presidente da Comisión de Pesca e Marisqueo do Parlamento de Galicia e deputado autonómico do PPdeG, José Manuel Balseiro, pide que se inicie o proceso de revisión “á baixa” da idade de xubilación dos profesionais do mar para adaptala á realidade actual da frota e da actividade marítimo pesqueira.
Balseiro será o encargado de defender unha iniciativa do Grupo Popular na Cámara galega, que se debaterá a próxima semana, na que se demanda ao Goberno de España que actualice os coeficientes redutores para os homes e mulleres que traballan na pesca, no marisqueo ou na acuicultura.
O risco do medio mariño ou costeiro onde se realiza o labor, a cantidade de meses en alta mar ou as dificultades do emprego, xustifican a redución para estes profesionais da idade mínima para acceder a unha pensión.
NORMATIVA OBSOLETA
“A lexislación actual está obsoleta. A regulación inicial do coeficientes no mundo do mar data do ano 1970, e aínda que con posterioridade leváronse a cabo algunhas reformas nos anos 1990, 2004 e 2007, o tempo transcorrido desde esas datas e os cambios substanciais que aconteceron nestas actividades, aconsellan actualizar esta normativa”
Balseiro explica, por exemplo, que se ampliaron os tempos de permanencia no mar froito da evolución dos sistemas de conservación do peixe, ou das normativas máis esixentes de acceso aos caladoiros. Tamén aparecen anacronismos como a referencia aos buques baleeiros ou agravios comparativos polos que dous buques no mesmo caladoiro que pescan coa mesa arte poden ter coeficientes diferentes.
“Creemos que chegou o momento de buscar unha maior equidade nos dereitos de xubilación dos mariñeiros, das redeiras, das mariscadoras, en recoñecemento dunha actividade dura, de especial desgaste, na que os profesionais están sometidos a condicións climatolóxicas adversas e nas que a idade é un factor moi a ter en conta”
MOMENTO IDÓNEO
O deputado popular indica ademais que este é “momento idóneo” para acometer unha actualización da normativa xa que agora xa foi aprobado o Regulamento comunitario que define as características dos distintos buques de pesca. Por iso Balseiro ve conveniente iniciar un proceso de diálogo co sector de cara ao mantemento e mellora dos coeficientes redutores da idade de xubilación ás características da actividade marítimo-pesqueira.
Balseiro tamén lembra que tanto desde a Xunta de Galicia como desde determinadas instancias da administración central (Ministerio de Seguridade Social e Migracións e Instituto Social da Mariña) se ten avanzado a vontade de buscar un encaixe ao colectivo de traballadores do mar na reforma que busca que os autónomos coticen por ingresos e, que este ano 2022 estaba previsto revisar o modelo polo que se determinan as profesións especialmente duras ou de risco.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
