Barreiros, 20 de febreiro de 2022. O Concello de Barreiros vén de dar luz verde na Comisión Negociadora de Igualdade ao documento “+ Igualdade: I Plan de Igualdade de Xénero para o cadro de persoal”, converténdose no primeiro municipio da provincia de Lugo que conta con un documento deste tipo a nivel interno, para o propio persoal municipal.
Con esta aprobación, que deberá ser ratificada no pleno que se celebrará mañá luns, Barreiros dará cumprimento á obriga legal establecida pola normativa estatal e galega, dentro do prazo establecido pola mesma; converténdose así na primeira administración local da provincia de Lugo en cumprir con tal requisito.
A concelleira de Igualdade, Montse Porteiro, explica que “esta iniciativa non responde só ao cumprimento dunha obriga legal, senón ao compromiso deste goberno municipal de dotar a Barreiros de políticas de igualdade. E, para iso – insiste- debemos ser exemplares e amosar que facemos realidade ese compromiso empezando pola propia casa”.
Este fito comprende o primeiro paso para traballar na dimensión interna da política local, incorporando a perspectiva de xénero na cultura organizativa e laboral do Concello. Deste xeito o Concello de Barreiros comprométese a implementar unha serie de medidas nos vindeiros catro anos co obxectivo de garantir un Concello libre de discriminacións, desigualdades por razón de sexo e de violencia de xénero.
Resultado dun procedemento participativo de goberno e representantes de persoal.
A elaboración de dito plan iniciouse no mes de xullo de 2021, prolongándose durante varios meses para dar seguimento de todos os pasos legais que marca a normativa vixente en igualdade a nivel estatal e laboral. A finais do ano 2021 constituíuse a Comisión Negociadora de Igualdade, contando con representación legal do persoal laboral, do funcionariado e do Concello.
Tras a elaboración dun informe diagnóstico previo, que consistiu nunha revisión da xestión dos recursos humanos (a selección, o acceso, a promoción, a política salarial, a formación, as condicións laborais, a saúde laboral, a prevención do acoso sexual ou por razón de sexo, a ordenación do tempo traballado, a conciliación ou a corresponsabilidade), artellouse o documento no que se definen as medidas que tratan de eliminar calquera discriminación por sexo que se poida estar reproducindo no Concello.
O Plan ten unha vixencia de catro anos e abrangue a totalidade do cadro de persoal e todas as áreas do Concello. O documento foi elaborado de maneira consensuada, recolléndose opinións de todo o cadro de persoal mediante un cuestionario e entrevistas; negociando e validando todo o proceso no marco da comisión Negociadora, onde se conta ademais coa representación de CC.OO, UGT e CIG.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
