Santiago de Compostela, 03 de febreiro de 2022. A deputada socialista Patricia Otero reclamoulle hoxe á Xunta de Galicia que cubra de xeito urxente as prazas tanto de persoal médico como de enfermería no servizo de Paliativos e HADO do Hospital da Mariña. Fíxoo a través dunha proposición non de lei defendida hoxe na Comisión de Sanidade do Parlamento, na que solicitaba chegar á dotación inicial todos os días da semana co obxectivo de poder retomar a atención presencial na totalidade dos concellos do distrito sanitario da Mariña.
A proposta foi aprobada, incluso cos votos a favor en do PP, o que supón “un recoñecemento explícito de que non se está a prestar un servizo esencial”. Nesta liña, Patricia Otero evidenciou a delicada situación que están a padecer moitos doentes, algúns deles con patoloxías crónicas ou terminais, e que “só están a recibir atención telefónica”. A maiores, moitas veces son derivados á atención primaria, onde se vive unha “situación caótica, como no caso do centro de saúde de Viveiro, no que “a veces se rexistra unha ratio de 1 médico por cada 5.000 habitantes”.
Neste contexto, a deputada mariñá reclamoulle ao PP e á Xunta “un pouco de humanidade” e que “traballen para buscarlle unha solución a esta situación tan complexa”. Ao mesmo tempo, Patricia Otero incidiu en que esta circunstancia “desmonta o discurso do PP de que a todo o que promete a Xunta se fai realidade”, unha afirmación realizada hoxe na Comisión de Sanidade por unha deputada do PP e que “me deixou moi impactada porque parece que vivimos en mundos moi distintos”.
Para corroborar as eivas denunciadas por moitos doentes e as súas familias, Patricia Otero explicou que dende hai máis de 6 meses “só hai dous médicos no servizo de Paliativos e HADO e incluso algúns días chegou a haber só un”. Ademais, “os permisos e as baixas do persoal de enfermería non se están a cubrir, recaendo esas quendas de ausencias nos outros compañeiros do servizo”, algo que tamén é “habitual no Sergas”.
Ante esta situación o Sergas tomou a decisión de que “desaparecese na maior parte dos concellos da Mariña de Lugo” a atención presencial que ata hai algo máis de 6 meses se viña a dar dende o servizo de paliativos e HADO dependente do Hospital da Mariña. De feito, tan só se mantén nos municipios de Burela, Cervo, Foz e Xove.
Deste xeito, eliminouse un servizo presencial en 10 dos 14 concellos do distrito sanitario da Mariña, quedando, polo tanto, “máis do 60 por cento da súa poboación sen servizo presencial”. Agora, os doentes destes 10 concellos da Mariña que non teñen servizo presencial de HADO, entre os que se atopan enfermos crónicos ou terminais, o Sergas derívaos aos servizos de Atención Primaria, “que como estamos a ver levan moito tempo denunciando os seus profesionais, están excedidos e saturados”.
Patricia Otero lembrou que o servizo de Paliativos e Hospitalización a Domicilio do hospital da Mariña xa se creou no seu momento dun xeito deficitario, pois so contaba con 3 facultativos médicos, que prestaban atención de luns a venres pola mañás, e 5 profesionais de enfermería en quendas de mañá e tarde todos os días da semana.
Reclamou que se cubran as prazas ata chegar cando menos á dotación inicial para que o servizo poida ofrecer de verdade unha alternativa asistencial á hospitalización convencional, para atender entre outros a doentes oncolóxicos, infecciosos, con cirurxías complexas, crónicos ou en estado terminal. “O obxectivo”, subliñou, “é que eses doentes reciban nas súas casas o conxunto de atencións e coidados médicos e de enfermería de complexidade hospitalaria”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
