Lugo, 3 de marzo de 2022. “Con Feijóo España gaña, Galicia gaña e Lugo gaña”. Con esta mensaxe a presidenta provincial, Elena Candia, ratificou na Xunta Directiva Provincial, na que tamén participou o conselleiro de Cultura, Román Rodríguez, o apoio da formación luguesa á candidatura que encabeza o líder popular. Deste xeito, Candia amosouse convencida de que o candidato á presidencia do PP nacional “é a mellor alternativa a un goberno que o único que fixo polos lucenses foi destruír emprego e a industria, e abandonar as infraestruturas”.
A dirixente lucense aproveitou o encontro para poñer en valor “o traballo e a xestión extraordinaria” do candidato. “Sen dúbida, concorre a este proceso cos mellores avais que pode ter un político: compromiso, entrega, dedicación e saber priorizar o gasto útil”, afirmou.
Elena Candia indicou así que “nesta provincia, Feijóo ten un aliado incondicional”. “Nunca lle fallamos e desta volta tampouco o faremos”. A renglón seguido, desexoulle os mellores do éxitos e destacou que decidise dar un paso á fronte “nun momento, dixo, complicado, ao abeiro dos últimos acontecementos, pero no que o PP é máis necesario ca nunca”.
A partir da convocatoria do Congreso, os afiliados teñen 15 días para inscribirse e participar en todo o proceso electoral, que remata ás 14:00 horas do día 16 de marzo. Cada afiliado poderá presentarse como compromisario ata 5 días antes do día da votación. As asembleas para elixir tanto ao candidato como aos compromisarios celebraranse en toda España o día 21 de marzo. Á provincia de Lugo correspóndenlle 46 electos, máis 1 de Novas Xeracións. A este número hai que sumar os natos, é dicir, a propia presidenta, os deputados no Congreso e o senadores.
Día da Muller Traballadora
Previamente, a presidenta provincial, acompañada do secretario xeral, Javier Vázquez Nodal, e da Comisión de Igualdade que preside Susana López Abella, presentaron os actos cos que o Partido Popular de Lugo conmemora o 8M. Baixo o título “Mulleres construíndo Lugo”, a formación luguesa reunirá este domingo, 6 de marzo, ás 11:30 horas, e no Hotel Méndez Núñez, a distintas mulleres da provincia que son un referente a nivel autonómico, e en distintos sectores, polo seu traballo e dedicación.
Así, a xornada será inaugurada polo secretario Xeral do PPdeG, Miguel Tellado. Seguidamente, intervirán a vicesecretaria de Igualdade do PP de Galicia, Raquel Touriño, e a voceira de Igualdade no Parlamento de Galicia, Paula Prado.
Haberá unha mesa de diálogo, que estará moderada por Cristina Abades e Macamen López, concelleiras do grupo municipal de Lugo. Nela participarán: Leticia Martín, xogadora do Pescados Rubén FS; Azucena Mora, profesora da Facultade de Veterinaria de Lugo; Lucía Pérez, cantante; Mónica Álvarez, presidenta da Asociación de Mulleres con Discapacidade de Galicia; e Ana García, gandeira de Vilaframil (Ribadeo). A clausura correrá a cargo da presidenta Elena Candia.
A dirixente lucense agradeceu a organización do encontro co que “homenaxeamos a todas esas mulleres das que obrigatoriamente nos temos que sentir moi orgullosos e orgullosas, pois co seu traballo e coa súa dedicación contribúen a facer unha sociedade mellor”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
