A Mariña, 9 de marzo de 2022. O BNG vén de presentar alegacións ao documento inicial de avaliación ambiental da central hidroeléctrica reversible “Xistral” de 936MWE, situada nos términos municipais de O Valadouro, Alfoz, Cervo, Xove e Ourol.
Nos últimos meses están aparecendo na Galiza numerosos proxectos enerxéticos, novos proxectos diarios en todos os puntos da nosa xeografía que amosan unha grave falta de planificación enerxética neste eido, dándose graves irregularidades con proxectos sobre espazos protexidos, a escasos metros de vivendas, con invasión de zonas de especial protección, ou dándose fragmentacións fraudulentas dos múltiples proxectos existentes. E este é tamén o caso da hidroeléctrica do Xistral que se pretende situar nunha zona que conta co maior número de parques eólicos do país, concretamente dez parques. Así, a toda esta infraestrutura enerxética existente engádese agora este proxecto que constituiría o maior complexo hidráulico de Galiza, o que contribuiría a unha forte degradación da zona.
Desde o BNG afirman que todos estes proxectos enerxéticos non se corresponden coa realidade ou coa necesidade da zona e da comarca nin teñen un retorno social para a mesma, polo que a única finalidade será exportar a enerxía para fóra deixando todo o impacto ambiental na zona proxectada supoñendo unha perda significativa de superficie natural e a derioración dos valores ambientais.
Afeccións medioambientais, patrimoniais e culturais, económicas e sociais
Nas alegacións, o BNG incide nas afeccións medioambientais, patrimoniais e culturais e nas afeccións económicas e sociais nunha zona agrongandeira como é O Valadouro e piden o rexeitamento do proxecto pola súa incompatibilidade coa lexislación vixente que preserva entre outras a protección da ZEC do Xistral e a protección do o Río Ouro, declarado como LIC. Pídese polo tanto a nulidade do proxecto por non cumprir a normativa sobre os espazos protexidos.
O prezo da enerxía vén de acadar máximos históricos esta semana mentras as hidroeléctricas rexistran benefícios millonarios.
Os nacionalistas sinalan tamén que o tema enerxético e a necesidade de enerxía para a industria foi e é usado tamén en moitos casos como condicionante por gobernos e por determinados partidos políticos e empresas para implantar proxectos que en moitos casos só tenen fins lucrativos, moitas veces especulativos e poucas veces redundan en beneficio para a sociedade coma no caso da electricidade, pois o prezo da mesma para as galegas e galegos e mariñás e mariñaos non se ve reducido por moita enerxia que se produza aquí.
E sinalan tamén que esta situación, lonxe de ter unha solución ainda se agrava mais, máxime nestes días que o prezo da luz vén de alcanzar un novo máximo de récord e as hidroeléctricas venen de rexistrar beneficios millonarios.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
