Santiago, 1 de marzo de 2022. O Grupo Popular centrará as súas iniciativas do Pleno da vindeira semana en consolidar e avanzar na igualdade real entre homes e mulleres, coincidindo coa celebración do Día Internacional da Muller o vindeiro 8 de marzo. En concreto, a través de dúas proposicións non de lei e unha pregunta ao Goberno galego, demandará actuacións en ámbitos como o sociolaboral, discapacidade, medio ambiente, cultura, publicidade ou deporte; así como a modernización dos puntos de encontro familiar ou a posta en marcha do VIII Plan estratéxico para a igualdade de oportunidades entre homes e mulleres.
Ao remate da Xunta de Portavoces, a viceportavoz popular, Paula Prado, trasladou “a nosa solidariedade coas mulleres, homes, nenas e nenos de Ucraína que están a sufrir a tan condenable situación de guerra que estamos a vivir”. Neste sentido, condenou “rotundamente a invasión que está facendo o réxime comunista soviético de Vladimir Putin e o seu interese por voltar á antiga Unión de Repúblicas Socialistas Soviéticas, vulnerando dese xeito a liberdade e soberanía do pobo ucraíno”.
AMPARO AOS REFUXIADOS DE UCRAÍNA
Paula Prado lembrou que “a Xunta sempre amosou a máxima solidariedade ante a situación de inxustiza social que se está a vivir en Ucraína e puxo todos os recursos que ten ao seu alcance para poder dar amparo a todos os refuxiados de Ucraína”. Así mesmo, sinalou que “amosou a súa disposición a acoller á poboación de Ucraína con necesidade de atención sanitaria e así llo ten trasladado ao Goberno central”. Concretamente, ofreceuse unha unidade no Hospital Álvaro Cunqueiro de Vigo, e de ser necesario ampliarase unha unidade máis en cada área sanitaria. Porén, apuntou que “a colaboración neste tipo de circunstancias debe ser coordinada polo Goberno central que debe asumir a súa responsabilidade en materia de política exterior e de control de fronteiras”.
Sobre a orde do día da sesión plenaria da vindeira semana, Paula Prado informou que está prevista a comparecencia do conselleiro de Cultura, Educación e Universidade para expor o modelo educativo de Galicia.
MEDIDAS POLA IGUALDADE REAL
Dentro do apartado de proposicións non de lei, o Grupo Popular demandará ampliar os programas e axudas destinados á inclusión sociolaboral de mulleres en situación de vulnerabilidade ou en risco de exclusión social; consolidar os programas dirixidos a mulleres maiores ou con discapacidade; reforzar as perspectivas de xénero nas políticas medioambientais e de xestión do territorio; apoiar a promoción profesional das mulleres no ámbito cultural e a visibilización da súa produción artística; fomentar as boas prácticas e a implicación dos medios de comunicación e eliminar o sexismo nas mensaxes publicitarias; realizar campañas institucionais en torno á igualdade entre homes e mulleres; e consolidar a perspectiva de xénero na actividade de planificación e xestión do deporte galego.
Unha segunda proposición non de lei do Grupo Popular ten como obxectivo a modernización e humanización dos puntos de encontro familiar que actualmente se atopan en funcionamento en Galicia, tal e como está previsto facer nos centros de nova creación.
A celebración do Día Internacional da Muller tamén se verá reflectido nas preguntas que o Grupo Popular realizará ao Goberno galego. En concreto, solicitará a valoración da Consellería de Emprego e Igualdade sobre o cumprimento das medidas do VII Plan estratéxico para a igualdade de oportunidades entre homes e mulleres, así como a situación actual e novidades que se poidan avanzar con respecto ao VIII Plan.
Por último, o Grupo Popular tamén se interesará no apartado de preguntas polo reparto dos fondos europeos que está a levar a cabo o Goberno de España e o seu impacto en Galicia, así como pola información de que dispón a Xunta sobre o acordo adoptado e os compromisos adquiridos polo Goberno central e Alcoa para garantir o futuro da planta de San Cibrao na Mariña de Lugo.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
