Abadín, 8 de marzo de 2022. O Voceiro Socialista de Abadín, Pablo Díaz avanzou hoxe que rexistrou unha moción no Concello para demandar ao Goberno de Rancaño que adopte as medidas necesarias para solventar os problemas co sinal do tv en todo o concello.
Así o expuxo tras escoitar as demandas da veciñanza. “Levamos máis de dúas semanas recibindo queixas da veciñanza sobre a mala recepción do sinal da tv nos fogares de Abadín. Incluso algún veciño esta costeando do seu propio peto os custes da renovación do cambio de antena, pero lamentablemente o problema segue sen solucionarse”, advirten os socialistas.
Pablo Díaz replica que o Grupo Socialista de Abadín ven denunciando esta situación dende xaneiro de 2020. “É unha vez máis a realidade é teimuda, e agora comprobamos que volve a darnos a razón. Por iso preguntámonos que fixo o Goberno do PP de Rancaño para mellorar esta situación durante 2 anos?. A resposta é sinxela, absolutamente nada”, denuncian.
“Por iso, dende aquí emprazamos ao Alcalde a que tome cartas no asunto e se achegue aos fogares das nosas parroquias para coñecer de preto os seus problemas e as súas demandas, como neste caso co sinal de televisión”. E proseguen coas súas criticas, “pasear no coche oficial do Concello non chega para exercer de Alcalde, quen asume este cargo tamén ten que traballar polo Concello e para mellorar a calidade de vida da nosa veciñanza”, insisten os socialistas.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
