Lugo, 8 de abril de 2022. A directora xeral de Relacións Laborais, Elena Mancha, acompañada da xerente do Instituto de Seguridade e Saúde Laboral de Galicia (Issga), Adela Quinzá-Torroja, presentou hoxe no Colexio Oficial de Veterinarios de Lugo a nova campaña que a Consellería de Emprego e Igualdade, en colaboración coa Consellería do Medio Rural, desenvolverá co título Protexe o traballo do persoal veterinario na túa explotación de gando vacún.
A Xunta quere concienciar da importancia da prevención dos riscos laborais nas explotacións de gando vacún e indicar as medidas preventivas que permitan eliminalos ou reducilos. Nesta ocasión a iniciativa divulgativa pon o foco no persoal veterinario que se despraza ás granxas.
“Queremos chegar a todo o campo galego para que todas as explotacións de gando vacún de Galicia coñezan o que teñen que facer para posibilitar no seu día a día un traballo seguro nas campañas e nas actuacións das veterinarias e veterinarios”, destacou a directora xeral.
A mensaxe que quere transmitir a Xunta con esta iniciativa a este colectivo profesional é de posta en valor da seguridade das funcións que desenvolve, con independencia de que o lugar de traballo sexa cambiante.
Tal e como relatou Mancha, “moitos dos accidentes nas explotacións gandeiras prodúcense cando hai proximidade ou contacto cos animais, e para evitalos é preciso ter en conta as súas reaccións, manter en bo estado as instalacións e dispor dos medios adecuados para facer os traballos de forma segura”.
Entre a documentación técnica que distribuirá o Issga, en colaboración coa Consellería do Medio Rural, recóllense recomendacións para a prevención de riscos no manexo dos animais, aspectos relacionados coa sanidade do gando e os sistemas de inmobilización e contención física das reses, entre outros.
A Xunta está a difundir ademais un vídeo no que da conta destas e outras medidas necesarias para garantir a seguridade no traballo deste colectivo profesional.
Traballo colaborativo
A campaña ten a súa orixe nun grupo de traballo técnico para a análise dos accidentes laborais en Galicia, que conta coa participación activa das organizacións sindicais e empresarial galegas, puxo en valor Mancha, quen incidiu en que na elaboración dos contidos tivéronse en conta tanto a tipoloxía como as causas dos accidentes no sector.
Os materiais distribuiranse entre as explotacións galegas. O obxectivo da Xunta consiste en achegar a documentación da iniciativa de carácter plurianual a unhas 25.000 granxas de gando vacún galegas; este ano visitaranse unhas 9.000 coincidindo coa campaña de saneamento desenvolvida polo Goberno autonómico.
A campaña de hoxe é complementaria doutra xa en marcha, Fai da túa explotación de gando vacún un lugar seguro e saudable, que incide máis na prevención de riscos nos lugares de traballo, no manexo dous animais, coa maquinaria e equipos, cos produtos químicos, na manipulación de cargas e na protección da maternidade, o embarazo e a lactación entre as traballadoras.
“Estamos convencidos da necesidade de afondar nunha cultura de saúde cunha visión integral, que supere as obrigas da normativa e avance a estilos de vida saudables tamén promovidos dende os centros de traballo”, manifestou na súa exposición a directora xeral. Mancha anunciou ademais, que a de hoxe será a primeira de varias colaboracións co colectivo dos veterinarios, co que se comprometeu a seguir a identificar nos vindeiros anos ámbitos de mellora das condicións de seguridade e saúde laboral para darlles solución “desde a seguridade, a hixiene industrial, a ergonomía e psicosocioloxía e a vixilancia da saúde laboral”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
