Ribadeo, 6 de abril 2022. Daniel Vega subliña que “saíu adiante cos votos do Grupo Municipal Popular de Ribadeo a nosa iniciativa para instar ao Goberno central a que permita contratar todos os médicos que son necesarios”. É dicir, que permita a ampliación do número de prazas MIR para formar a máis médicos, o que supón aumentar o número de facultativos dispoñibles para a Atención Primaria.
Trátase dunha reivindicación non só de Galicia; senón tamén do resto das comunidades autónomas que lle esixen ao Goberno desbloquear esta situación. E, dende o Grupo Municipal Popular de Ribadeo quixemos que a “corporación municipal traballase de forma conxunta; pero o BNG e o PSOE abstivéronse. Parece que este tema non vai con eles”, sinala o voceiro popular.
O Grupo Municipal Popular tamén levou ao pleno deste martes outros temas que preocupan aos populares. “Un deles é a herdanza do doutor Moreda”, dixo Vega. A este respecto, considera que “necesitamos dar pasos moi importantes de cara á reforma integral do hospital asilo”. Polo tanto, “é hora de ir concretando a cifra económica da herdanza porque xa hai unha parte que o Concello pode dispoñer dela e, polo tanto, esiximos ao goberno local do BNG que explique a parte da herdanza que xa está dispoñible. Tamén queremos saber que parte pretende aportar o goberno local. A Xunta xa manifestou o seu apoio a aportar orzamento para acometer esta obra”.
Por outra banda, “as empresas estanlle esixindo ao goberno local do BNG que pague en tempo e forma as facturas. Algunhas delas están valorando a posibilidade de deixar de prestar servizos ao Concello”. Vega defende que “se paguen as facturas coma noutros Concellos ou como fai a Xunta, en menos de 30 días. Este goberno tamén o pode facer. O que non pode ocorrer é que este goberno do BNG sexa o que máis tarde pague da Mariña”.
O Grupo Municipal Popular tamén quixo esixirlle á Deputación de Lugo que arranxe “dunha vez por todas” as estradas da súa competencia “sen esperar ás eleccións; senón ir concretando orzamento paulatinamente para ir mellorando todos os anos as vías das que é titular”. Vega pon como exemplo a que pasa ao lado do colexio público e do campo Pepe Barrera e as carreteras de Santalla ou Arante.
Vega sinala tamén “a dobre vara de medir” do goberno do BNG porque “lles esixe aos titulares privados limpar as súas fincas, pero as de titularidade municipal permanecen abandonadas. Parece normal que as de propiedade municipal tamén estean limpas. Para esixir, hai que dar exemplo. Así o manifestamos no pleno municipal”.
Os populares tamén quixeron preguntarlle ao goberno local do BNG que vai facer coa praia do Cargadoiro que “está outro ano máis cerrada e outro ano máis no que o goberno local pon desculpas e non concreta ningún traballo ou xestión ante Costas”. Vega defende que “non se poden poñer desculpas, o que hai que facer é concretar. Ninguén quere que haxa un problema no Cargadoiro. Por iso pedimos que se solucione rapidamente”.
Tamén esixiron que “se actúe nas instalacións deportivas, no campo de fútbol Pepe Barrera, no pavillón municipal, na pista polideportiva de Rinlo, nos parques biosaudables do concello poñendo como exemplo o que hai no aparcamento municipal porque está todo absolutamente abandonado. Non pode ser é que se lle conteste á viceportavoz do noso grupo que xa estamos traballando no tema; pero cando se piden explicacións concretas, non haxa nada”, manifesta Vega.
O popular conclúe que “temos un goberno local pasivo, que non concreta ningunha acción; pero que si pon desculpas”. Mentres, “o Grupo Municipal Popular seguirá traballando por Ribadeo”.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
