Santiago de Compostela, 19 de abril de 2022. A portavoz de Pesca do Grupo Socialista, Patricia Otero, acusou hoxe ao goberno galego de manter paralizada a exención de taxas portuarias nos portos autonómicos que anunciaron o 17 de marzo. No debate dunha pregunta na Comisión de Pesca do Parlamento, lamentou que se trata da única medida anunciada pola Xunta para axudar ao sector, e que ademais nin sequera foron quen de poñer en marcha.
Criticou que “non teñan posto ningunha medida de apoio ao sector”, chegando a asegurar que “non vían acertado poñer en marcha un plan de axudas ao sector” malia que contan con marxe de abondo para axudar ao sector. A única iniciativa posta sobre a mesa foi unha exención de taxas portuarias durante só dous meses, que nin sequera teñen habilitado, e axilizar as axudas xa concedidas, propostas “moi insuficientes” para a situación actual da pesca galega.
Otero censurou que a única iniciativa coñecida pola Xunta sexa protestar diante do goberno de España, que si que puxo en marcha a exención de taxas nos portos galegos de titularidade estatal dende o 31 de marzo e durante 6 meses, 4 máis que os previstos pola Xunta.
Un goberno central, dixo, que ten liberado ademais 68,8 millóns de euros en axudas para a pesca extractiva e acuícola, a exención do canon de uso de bens de dominio hidráulico para instalacións de acuicultura continental, o aprazamento das cotas á Seguridade Social, a rebaixa de 20 céntimos ao combustible, axudas directas aos barcos e a paralización do artigo 26 do Regulamento Fempa para poder habilitar máis liñas de axudas.
Ademais criticou que a Xunta teña respondido facendo ouvidos xordos ás propostas presentadas polos socialistas galegos, por canto o “presidente ausente” do goberno galego nin tan sequera quixo recibir ao secretario xeral do PSdeG, que “lle tendía a man para colaborar nun momento tan complicado”. Os socialistas galegos propuxeron un plan de axudas específico para a pesca e o mar industria, elevar as axudas de mínimis ao máximo permitido ou a exencción de taxas portuarias.
Comité Científico
A parlamentaria socialista lamentou ademais que a Consellería do Mar constatara hoxe que “dan por aparcado, non van constituír nin poñer en funcionamento o Comité Científico Galego da Pesca”, que leva 11 anos á espera de que apliquen a modificación do seu regulamento en 2011. Daquela a conselleira explicara que pretendían cambiar a súa composición para darlle “máis operatividade e representatividade” con técnicos e científicos de recoñecido prestixio.
Sen embargo “nunca se puxo en funcionamento”, polo que “botamos en falta este organismo creado en 2004 e que en 2011 a conselleira recoñecera a necesidade de darlle un novo pulo para facelo máis operativo”. Agora anuncian a súa substitución por un novo organismo “en rede, integrado por distintos organismos da Xunta de Galicia e coa participación do goberno central, das universidades e diversos axentes”.
Sinalou a urxencia de que a Consellería do Mar active os instrumentos científicos dos que dispón e que adoecen dun “grao altísimo de parálise”. A súa aportación, sinalou, resulta fundamental de cara a argumentar a defensa dos intereses da pesca galega no caso dos TACs e das cotas pesqueiras, e que non se repita o peche da cigala a pesares de contar cun stock en bo estado, ou os recortes na pescada sur, que pasou do 18,5 ao 8 por cento.
Estes informes científicos, dixo, resultan “fundamentais” para contribuír ás decisións na UE ou na OMC e axudar ao sector pesqueiro no difícil camiño ao que se enfronta diante das consecuencias do cambio climático, o perigo de perda das exencións fiscais ao combustible pesqueiro que buscan os organismos internacionais, e que no seu caso require dunha transición ordenada e con apoio aos sectores produtivos.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
