A Fonsagrada, 19 de abril de 2022. O alcalde de A Fonsagrada, Carlos López, non ten a mellora das infraestruturas municipais entre os principais obxectivos da súa xestión. A esa conclusión chega o portavoz popular, José Luís Regueiro, á vista do pésimo estado no que se atopan moitas das pistas que dependen directamente do Concello. Indica tamén as responsabilidades en que pode incorrer o goberno local en caso de que o mal estado das vías provoque accidentes.
Os populares din que o abandono da rede municipal de estradas só pode responder ao desinterese do goberno que preside Carlos López. Destaca os inconvenientes, molestias e riscos aos que teñen que facer fronte os veciños dos núcleos aos que dan servizo as pistas que están en mal estado, cando non practicamente intransitables.
As que se indican seguidamente son algunhas das estradas municipais que se atopan en moi mal estado, segundo sinala o portavoz municipal: San Martín-Suarna, Vieiro, San Mamede, A Pastoriza-Rieiro, pistas a Goxe, Peizais, Maderne, Ferreira de Arriba, Foncuberta, a que leva ao cruce de Xoán de Lamas, pista á Reboira e a rúa Carrapitas.
Os populares resaltan que non existe planificación dende o goberno local para a mellora das infraestruturas viarias que dependen do Concello. O pouco que se intervén para mellorar os firmes, non obedece a un plan, deseñado en función de prioridades obxectivas, de maneira que se tapan as fochancas seguindo máis criterios políticos que outras consideración de carácter obxectivo.
José Luís Regueiro sinala: “Non podemos seguir así por máis tempo. O alcalde e o seu equipo teñen que poñerse a traballar, porque son moitos os veciños que o pasan moi mal a causa do pésimo estado en que están as pistas municipais. Esiximos un plan, unha programación, con dotación orzamentaria suficiente, e que se poñan a traballar canto antes”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
