Xermade, 8 de abril de 2022. O Grupo Municipal Popular de Xermade pediu ao goberno local no último pleno que “o Concello informe das liñas de axudas para vivenda aos veciños, os asesore nas solicitudes e lles facilite a tramitación cos informes necesarios realizados desde os servizos do propio Concello”.
O voceiro, Antonio Riveira, considera que “o Concello de Xermade pode colaborar en boa medida cos veciños para que se beneficien das axudas en materia de vivenda que convoca a Consellería de Medio Ambiente, Territorio e Vivenda neste 2022”. Ademais, defende que “a administración local debe colaborar tendo en conta que estas axudas poden servir para atraer xente nova a vivir ao noso municipio; xa que contemplan distintas medidas dirixidas aos mozos que queiran instalarse en municipios rurais”.
O popular cita o programa de axudas para actuacións de rehabilitación enerxética en edificios para Concellos de menos de 5.000 habitantes, obras de actuación de mellora ou rehabilitación de vivenda, axudas para os proxectos de rehabilitación, programas de infravivendas, mellora de accesibilidade, conservación e rehabilitación de inmobles incluso edificios de titularidade municipal, préstamos para rehabilitación, compra de vivenda protexida, compra ou alugueiros para mozos en municipios rurais para contribuír ao reto demográfico, aval para mozos para adquisición de vivenda, fondo de cooperación para o apoio ao financiamento da adquisición e promoción con destino ao alugueiro social, o bono de alugueiro social ou o bono de alugueiro social dirixido especificamente para vítimas de violencia de xénero.
“O Concello pode informar aos veciños, redactar memorias ou proxectos de rehabilitación para facilitar que os propietarios se beneficien destas axudas para a rehabilitación de vivendas do municipio”, explica.
Control sobre os proxectos do goberno local
O Grupo Municipal Popular tamén solicitou información sobre os proxectos incluídos na solicitude de subvención do Concello á Consellería de Medio Ambiente, Territorio e Vivenda para a posta en valor e promoción da Reserva da Biosfera Terras do Miño no municipio.
Concretamente, os populares queren saber se para realizar o desbroce para a prevención de incendios na Comunidade de Montes de Lousada o Concello ten asinado algún convenio, se existe algún tipo de conflito de intereses por ser o alcalde o presidente desa Comunidade e que consideración vai ter para o Concello en relación coa comunidade o gasto que supón facerse cargo do IVE correspondente ao importe dos traballos.
Sobre a creación dun párking de autocaravanas na contorna da área recreativa de Cabreiros e doutras actuacións de embelecemento da zona de baño, os populares solicitan información sobre a autorización da Confederación Hidrográfica Miño-Sil. Tamén queren coñecer se o Concello ten consensuado proxectos e solucións coa asociación de veciños de Cabreiros; se contempla solucións técnicas para evitar o depósito de materiais de aluvión no entorno da área recreativa coa construción de comportas ou incluso sen a construción de novas comportas e se está previsto retirar ese material periodicamente.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
