Viveiro, 27 de abril de 2022. O goberno de Viveiro, presidido pola socialista María Loureiro, ten a rara habilidade de conseguir que se converta en problema todo aquelo que a cidade debería aproveitar para mellorar a súa capacidade para atraer visitantes. Un dos resultados da recente edición do Viveiro Fest, celebrada o pasado día 8, foi o enfado de moitos hostaleiros de Viveiro e de Covas e desperfectos no campo de fútbol de Cembedo, no que se desenvolveu o festival. Os concelleiros populares preguntan formalmente ao goberno local se o festival tivo algún custo económico para o Concello e quen se fará cargo, e canto custará, da reparación das deficiencias que presenta o citado campo de fútbol despois dos concertos, que estiveron protagonizados polo Grupo Musical Panorama e Tributo a Queen.
O portavoz popular, Óscar Rodríguez, sinala que é importante que Viveiro sexa un punto de referencia en todo aquelo que reforce o seu atractivo como destino turístico. “Pero hai que facelo debidamente, para que festivais como este redunden o máis posible en beneficio dos sectores económicos da cidade e do conxunto do municipio, como é o caso da hostalería. Nesta ocasión, parece que as cousas non se fixeron ben porque hai moitas queixas de hostaleiros, especialmente de Viveiro e de Covas”.
Rodríguez destaca a necesidade de que haxa espazos públicos nos que se poidan desenvolver actos que son reclamos para atraer visitantes á cidade. “Claro que é importante, pero tamén é moi importante que os espazos públicos estean nas mellores condicións e, cando son o marco no que se desenvolven actos nos que hai moita xente, hai que asegurarse de que, ao final, todo queda nas debidas condicións”. Engade Rodríguez: “Aínda é máis importante cando os espazos públicos están nunha das entradas á cidade, como é o caso do campo de Cembedo”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
