Foz, 30 de maio de 2022. A concelleira de Facenda, Inés López Couto afea ao PP que presente as propostas cando xa se están elaborando os informes do orzamento municipal. “O alcalde trasladoulle ao Partido Popular na última Comisión de Contas que estábamos pendentes de finalizar os informes polos técnicos para levar o orzamento a pleno. Supoño que estas propostas de última hora non son máis que outra acción exclusivamente de cara á galería”, manifesta a edil de Facenda.
Inés López Couto engade que “todas as propostas para elaborar o orzamento son sempre ben recibidas, pero sorpréndennos tanto as formas como o fondo. Causaron estrañeza no equipo de goberno reclamacións tan heteroxéneas como unha partida para desenvolver o Plan de Mobilidade porque xa o estamos aplicando con obras como a renovación da rúa Limoeiros ou a urbanización completa de Costa do Castro, coas beirarrúas ao cemiterio. O Plan de Mobilidade é unha guía para que as obras de renovación necesarias se podan facer sen causar un caos circulatorio como o que provocara o Partido Popular dispoñendo Álvaro Cunqueiro e Avenida da Mariña no mesmo sentido de circulación. Creo que o Partido Popular debería ter máis claro o que significa un Plan de Mobilidade”.
A concelleira de Facenda explica que “tamén reclaman puntos wifi gratuítos no rural, cando acabamos de dotar aos locais sociais das parroquias de conexión de alta velocidade con fibra óptica e routers wifi, substituíndo ás antigas ADSL. No noso mandato estendeuse a fibra óptica polas parroquias, o que nos permitiu dotar de internet de calidade tamén no rural. Inclúen tamén na súa nota de prensa propostas que non teñen nada que ver co orzamento. Por exemplo acabamos de modificar a Relación de Postos de Traballo, que se aprobou en pleno. Tamén aprobamos -co voto favorable do Partido Popular- que unha vez finalizado o convenio, a xestión da residencia a exerza quen ten a titularidade da mesma, a Xunta de Galicia, como corresponde. Son cuestións que se trataron en pleno e que son alleas ao orzamento”.
“O que me parece absolutamente kafkiano é que o Partido Popular reclame a rebaixa do IBI, cando o PP o subiu un 12% acumulativo durante catro anos seguidos, máis dun 57%. Incluso no ano 2014 aplicou dúas subas incompatibles. E agora, cando o concello aumenta a partida de gastos pola suba dos custos eléctricos, combustibles, materiais e laborais, o PP solicita unha rebaixa do IBI. Pídolle seriedade ao señor Castiñeira, o Concello non é un xoguete”, manifesta Inés López Couto, quen engade: “seriedade e gañas de traballar polo Concello reclama o goberno. O alcalde, Fran Cajoto, pediulle ao señor Castiñeira colaboración para acudir xuntos á Xunta de Galicia e tratar de axilizar a legalización da traída de Cordido. O PXOM do 2018 segue bloqueado e os veciños da parroquia de Cordido non poden construír as súas vivendas, pero Castiñeira negouse. No ano 2010 a Xunta de Galicia aprobou o financiamento do PEPRI de Ribadeo e pedímoslle axuda ao Partido Popular de Foz para que reclame esa mesma axuda para o noso Concello, esperemos que a Xunta non nos considere inferiores a Ribadeo”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
