Lugo, 4 de maio de 2022. O Presidente da Deputación de Lugo, José Tomé Roca, asinou no Pazo de San Marcos un convenio de colaboración co presidente da Federación Galega de Comercio, José María Seijas López, a través do que a institución provincial achega 30.000€ ao colectivo para o mantemento da oficina técnica de información e asesoramento ao comercio de Lugo, un servizo que conta con 8 traballadores.
Tomé Roca salientou a importancia de colaborar con entidades como a Federación de Comercio, dinamizando o tecido produtivo e apoiando as iniciativas de sectores que xeran riqueza e postos de traballo. “Este convenio enmárcase nese espazo de colaboración entre o público e o privado que quere aproveitar esta Deputación para favorecer o progreso social e económico da nosa provincia. A aportación que facemos verá multiplicado o seu efecto a través das súas iniciativas”, subliñou o Presidente.
Lembrou o mandatario provincial os difíciles momentos que atravesa o sector a raíz da pandemia da Covid-19 e a guerra de Ucraína que trouxo sobrecustos ao seu día a día, ademais de incertezas e preocupación na sociedade. Pon o foco na importancia de estar ao carón do comercio local porque “desenvolve un traballo fundamental no sostemento económico da nosa provincia polo que é necesario que as administracións públicas e as asociacións profesionais traballemos xuntos para favorecer a actividade comercial”.
“É moi importante que estas oficinas estean en Lugo porque supón unha vantaxe importante para os comerciantes da nosa provincia que se poden achegar en persoa dende os seus negocios a resolver calquera dúbida ou realizar calquera xestión cos técnicos, ao igual que tamén os técnicos acoden aos comercios para informarlles en persoa de campañas ou proxectos que están desenvolvendo, por exemplo”, resalta o Presidente da Deputación.
Pola súa banda, o Presidente da Federación de Comercio amosouse moi agradecido por renovar este convenio que serve para “garantir o soporte e a cobertura á estrutura da Federación Galega de Comercio, reforzando as actuacións realizadas na provincia de Lugo, que son moi necesarias para a recuperación do sector comercial lucense que aínda arrastra as consecuencias da pandemia da Covid-19, que agora se ven agravadas polo incremento dos custos da luz, carburantes e materias primas”.
Manifestou, ademais, que o asesoramento que prestan dende a Federación “contribúe a mellorar e potenciar a competitividade do comercio de proximidade”. “A Deputación é consciente do papel fundamental que teñen os pequenos negocios na economía local e provincial e na xeración de emprego, un emprego estable que é fundamental nos tempos que corren”. Así mesmo, incidiu en que esta axuda servirá para traballar nos retos que teñen por diante, “que pasan por sensibilizar aos consumidores da importancia de mercar nos establecementos de proximidade, recuperar e incentivar os hábitos de compra tradicionais e o consumo, ademais de impulsar a dixitalización do sector”.
Asesoramento técnico aos negocios
A oficina técnica da Federación Galega de Comercio ten a súa sede en Lugo, na Ronda da Muralla, e conta no seu cadro de persoal con sete técnicos e un administrativo que realizan tarefas técnicas, de xestión e administrativas relacionadas cos servizos que presta o colectivo. Asesora a máis de 5.500 establecementos da provincia.
Entre as funcións que desenvolven nesta sede destacan o asesoramento legal en canto á normativa vixente aplicable ao sector, asesoramento na xestión e tramitación das reclamacións, información e tramitación de subvencións públicas, preparación de escritos, apoio ás persoas emprendedoras e o fomento do asociacionismo.
As asociacións de comerciantes da provincia tamén dispoñen deste lugar para realizar as súas xuntas, asembleas ou reunións, dispoñendo de maneira directa de asesoramento para o impulso de novas campañas ou actuacións concretas que queiran desenvolver. Algúns destes colectivos contan coa súa sede nesta oficina, e é o propio cadro de persoal da Federación quen lles xestiona os trámites e xestións. O local conta, ademais, con aulas habilitadas para impartir formación ou desenvolver actos informativos e publicitarios.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
