Burela, 8 de maio, 2022. Derrota do Pescados Rubén Burela ante o Betis, que está a loitar polo descenso. Os mariñáns competiron outra vez máis o partido en Vista Alegre, con todo, non logran sacar resultados positivos.
Chegaron a ir dous cero no marcador na primeira parte. Primeiro, cun tanto de Iago Míguez que abría o marcador no minuto 3, e o segundo tras unha xogada que remata Quintela de maneira sobresaliente no minuto 14. O primeiro período o Burela tiña máis ganas de levar o partido, e tivo ocasións de aumentar a súa vantaxe, con todo ía ser o Betis o que ía recortar as distancias con Juanan no minuto 18. Chegouse ao descanso con 2-1.
Nos inicios da segunda parte, no minuto 22 Juanan volve anotar empatando o partido. Neste tramo do partido o Burela non baixaba os brazos e tivo varias ocasións coas que finalmente ía chegar no minuto 28 o gol de Isma cun bo gol cun disparo desde fóra da área.
Os laranxas seguían gozando de ocasións claras, pero desde o últimos cinco minutos o partido cambiou totalmente. Quintela ía meter en propia e con isto empataríase o partido a 3, e a partir de aí o Betis empezou a xogar de cinco para levar o partido. Nestes momentos notábase que o Betis ía a por todas porque necesitabas os puntos para loitar polo descenso, e Juanan facía o Hat- Trick no minuto 36 que ía ser definivo.
Ficha técnica
Pescados Rubén Burela: Edu, Isma, Iago Míguez, David Pazos, Quintela –cinco inicial- Lucho, Alex Díz, Pitero, Wanderson, Renato , Kaluza y Rikelme.
Real Betis Futsal: Sarmiento, Cléber, Rubén Cornejo, Juanan, Raúl Jiménez- Cinco Inicial-, Cidao, Joselito, Rubén Cornejo, Eric Pérez, Álvaro Otero, Pablo Otero, Guido.
Goles: Min 5 Iago Míguez 1-0; Min 15 Diego Quintela 2-0; Min 18 Juanan 2-1; Min 21 Juanan 2-2; Min 28 Isma 3-2; Min 35 PP Diego Quintela 3-3; Min 36 Juanan 3-4
Árbitros: GONZÁLEZ MORETA- SÁNCHEZ CHAMORRO, MOREIRA BERMÚDEZ -GARCÍA VÁZQUEZ. Amarela a Quintela, Pazos, Iago y Isma del Burela y José Ántonio, Ángel, Pablo y Eric del Betis
Incidencias: Partido correspondenteá xornada 26ª de Primera División RFEF. Disputado no pavillón Vista Alegre de Burela.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
