Ribadeo, 11 de maio, 2022. Este luns 9 de maio celebramos no IES Ribadeo Dionisio Gamallo o DÍA DE EUROPA. Unha data especial que une a case 500 millóns de cidadáns e cidadás con obxectivos e valores comúns. Hoxe máis que nunca faise necesaria una visión global da sociedade e un espertar social responsable e comprometido cos principios necesarios de futuro: paz, sostibilidade e democracia.
Ao longo de varias semanas desenvolvemos actividades, exposicións e charlas que buscan información sobre eses ámbitos e pretenden amosar camiños e perspectivas para o noso alumnado; unhas nas que eles son os protagonistas, e outras, nas que invitamos a diversas persoas que comparten con nos ese espírito de progreso e coñecemento.
A finais de abril estivo no centro Nicolás González Casares, eurodiputado, que aportou a súa experiencia e contou o seu día a día nos labores políticos que se desenvolven na UE. Visitamos o Concello para informarnos sobre o traballo desenvolvido con fondos Europeos, e sobre o que o alumnado está traballando no Proxecto TAEUS e do que farán exposición a finais de curso. O alumnado de 1º ESO, coordinados pola profesora de Bioloxía Mª Jesús Besteiro Cabanas, elaboraron un vídeo sobre o aspecto da Biodiversidade, un dos obxectivos do Pacto Verde Europeo, en colaboración con EUROPE DIRECT A CORUÑA, que aportou os paneis coa información básica e recursos de traballo deste documento que quere converterse na folla de ruta para facer sostible a economía da UE. As alumnas Lucía Coto, Marta Fernández e Daniela López, embaixadoras junior de 4º ESO, informaron ao alumnado de diversos grupos de 1º ESO sobre a Historia da UE, os símbolos que compartimos, e realizaron un cuestionario sobre os contidos aprendidos.
O luns 9 de maio durante o período de lecer escoitamos a interpretación do músico e director da Banda Municipal de Música de Ribadeo David Ballester do himno europeo, e inauguramos a exposición de “Letras para Europa”, unha colaboración entre as Escolas Embaixadoras do Parlamento Europeo de toda España. Xa pola tarde recibimos a visita de Iván Lombardero, xeólogo, activista ambiental, traballador no Sindicato Labrego Galego,… entre outras moitas facetas que ven desempeñando desde fai tempo con convicción e firmeza. Con convicción xa que o estudo e a dedicación ás ciencias ambientais proporciona un punto de partida e de análise da realidade obxectivo e fundamentado, e con firmeza xa que as consecuencias dos seus estudos marcan unha liña clara de coñecemento que comparte en cada unha das súas actividades. A súa charla versou sobre “Europa fronte ás crises climática e enerxética”, na que desenvolveu unha mirada crítica da sociedade actual desde as contendas mundiais, e os primeiros pasos da unidade europea, unha unidade de marcado signo económico que aínda hoxe mantén o seu poder e a súa impronta na creación dos camiños de futuro para todos os países que compoñen a Unión Europea e incluso do resto de países de influencia no mundo. Unha charla que marcará un punto de inflexión na forma de pensar os contidos de Historia e de Filosofía do noso alumnado, e que sen dúbida dará para comentar e continuar charlando noutras ocasións.
Quedan aínda actividades por facer e queda moito camiño por andar, pero queremos que toda a comunidade coñeza e comparta estes pasos firmes na defensa da paz, da convivencia e do coñecemento como alicerces da sociedade futura, unha sociedade que defendemos como inclusiva e democrática que logre garantir un progreso sostible.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
