A xuntanza con representantes das feiras de Burela e Cabo Verde foi a primeira acción do novo director xeral de Pesca de Galicia, Antonio Basanta.
Burela, 27 de maio, 2022. O xerente da Fundación Expomar, José M. González ‘Brais’, aproveitou o marco da Feira de Navalia, que tivo lugar en Vigo esta semana, para celebrar unha reunión de traballo con unha delegación da Misión comercial da Cámara de Comercio de Barlovento (Cabo Verde).
Na reunión estivo acompañado polo novo director xeral de Pesca de Galicia, Antonio Basanta, ata agora xefe de gabinete da Consellería do Mar. A xuntanza coas feiras de Burela e Cabo Verde foi a primeira acción de Antonio Basanta no seu novo cargo, no que sustitúe a Mercedes Rodríguez.
A misión comercial caboverdiana estivo encabezada por Gil Costa, secretario xeral da Cámara de Comercio do Norte de Cabo Verde, e Angélica Fortes, administradora delegada da Feira Internacional de Cabo Verde – Fic.
Ademais de reforzar os vínculos xa existentes coas entidades portuarias caboverdianas, durante esta xuntanza tratouse a próxima participación da Consellería do Mar da Xunta de Galicia na Feira Expomar de Cabo Verde, que se celebrará a finais de setembro no Porto de Mindelo. A Consellería participará cun stand propio e estase estudiando a posibilidade de levar unha misión comercial con empresas de Galicia que poidan ter intereses comerciais en Cabo Verde.
A Fundación Expomar aproveitou a estancia en Navalia para promocionar a vindeira edición da Feira Expomar, que se celebrará en Burela no mes de maio do próximo ano. O xerente da Fundación mantivo contactos tanto coa delegación caboverdiana como con distintas empresas do sector de cara á súa participación en Expomar 2023.
Segundo José M. González ‘Brais’, “os resultados foron altamente positivos, pois moitos expositores que participaron na última edición da nosa feira xa confirmaron a súa presenza en 2023, e outras empresas que nunca expuxeron en Burela si amosaron moito interese en estar presentes nesta nova edición”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
