Patricia Otero urxe á Xunta a paliar as “enormes carencias” en Atención Primaria nos centros de saúde da Mariña
Santiago de Compostela, 19 de maio de 2022. O Parlamento de Galicia aprobou hoxe a iniciativa socialista para cubrir as prazas de medicina de familia, enfermaría e odontoloxía no Centro de Saúde de Foz. Ocorreu hoxe, na Comisión de Sanidade do Parlamento, onde o PSdeG defendeu unha iniciativa para incorporar persoal de diversas especialidades neste centro de saúde, cuxa votación se realizou por puntos e á que o PP se opuxo parcialmente.
“A Xunta fai oídos xordos e caso omiso ás demandas da veciñanza de Foz”, criticou a socialista, ao lamentar as “enormes carencias” en Atención Primaria que “se levan denunciando varios anos” en diversos concellos da Mariña, como Foz, A Pontenova, Ourol ou Viveiro. Así, lamentou a “inacción” do Executivo autonómico que continúa cunha “política errática en materia de persoal”.
Neste sentido, Otero censurou que “dende hai moito tempo” están sen cubrir dúas das oito prazas de medicina de familia que ten asignadas o centro, catro prazas de enfermería cuxos profesionais están de baixa e a praza de odontólogo, tamén de baixa, o que repercutiu de forma directa na calidade asistencial do centro.
UN CENTRO DE SAÚDE CON PEDIATRA A TEMPO PARCIAL E SEN MATRONA
Ademais, lamentou que “continúa sen cubrirse, despois de varios anos, a redución de xornada do pediatra”, tendo en conta que este servizo “presta atención non só aos nenos e nenas de Foz, senón tamén aos dos concellos de Alfoz e O Valadouro”.
Doutra banda, o centro “segue sen ter matrona”, xa que “o Sergas negase a crear esta praza”, sinalou, un servizo que atende a atención ao embarazo, parto e puerperio, pero tamén os supostos de atención precoz do cancro de cérvix, atención da saúde sexual e mesmo enfermidades “invisibilizadas e minusvaloradas” como a endometriose.
A todo isto hai que engadirlle, sinalou, “outros dous recortes por parte do Sergas cara á veciñanza da comarca da Mariña”, como foron a supresión do segundo técnico de Emerxencias Sanitarias da ambulancia medicalizada e a eliminación do servizo 24 horas da ambulancia asistencial con base en Foz, servizos “fundamentais” nunha comarca “tan extensa e dispersa”.
O PP VOTA EN CONTRA DE CATRO DOS CINCO PUNTOS DA PROPOSICIÓN NON DE LEI
Porén, máis alá de cubrir as prazas de medicina de familia, enfermaría e odontoloxía, a socialista urxiu ao Executivo autonómico que cubra a redución de xornada do pediatra, cre unha praza de matrona, recupere o servizo 24 horas de ambulancia asistencial con base no municipio e repoña o segundo técnico de emerxencias sanitarias da ambulancia medicalizada, pero o PP votou en contra de todas estas iniciativas.
“PÓÑANSE A TRABALLAR NA MELLORA DA ATENCIÓN PRIMARIA”
“É de xustiza e algo polo que debe traballar a Xunta”, sentenciou a socialista, xa que “gozamos de excelentes profesionais, pero non dunha boa política sanitaria”. “Deixen de botar balóns fóra e póñanse dunha vez a traballar na mellora da atención primaria”, concluíu, xa que “o Sergas non está a cumprir”.
TEXTO APROBADO POR UNANIMIDADE:
O Parlamento de Galicia insta á Xunta de Galicia a:
Cubrir as prazas de medicina de familia, enfermaría e odontoloxía do centro de saúde de Foz para que teña a capacidade asistencial que ten asignada
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
