Burela, 20 de maio, 2022. O Pescados Rubén Burela, consegue vencer con esforzo ao Osasuna Magna Xota por 3-5. Os laranxas asaltaron Navarra a pesar de que os locais necesitaban máis os puntos, pois non teñen asegurada a súa posición na táboa.
Plantábase o conxunto de Rafa Merino en Navarra cun cinco inicial atípico, pero que estaba a se defender ben dos ataques do Osasuna Magna. Con todo no minuto 3, prodúcese un penalti por falta de intensidade na área dos laranxas, que afortunadamente acaba detendo Kaluza para evitar o 1-0 local.
Durante os 10 primeiros minutos o Xota buscaba máis o gol, e precisamente nese minuto 10 ía ter a oportunidade ata o de agora máis clara do partido con Fabinho fallando o gol con Kaluza batido. Con todo, na xogada seguinte no minuto 11 a pesar de estar a xerar menos, chegaba o gol de Renato cun disparo potente con perna esquerda.
A partir de aí o Burela estaba a circular mellor o balón e aguantando o resultado. Ata chegou a meter porteiro xogador nos minutos finais da primeira parte para conseguir amplitude, pero este risco estivo a piques de pasarlle factura cun gol dos visitantes. A falta de 1 minuto o Xota sacou xogo de cinco, e sobre a bucina Iago Miguez tras un contragolpe co equipo descolocado ía poñer o 0-2 e con isto chegaríase ao descanso
Empezando a segunda parte o partido transcorría como a primeira, cos locais buscando máis e no minuto 24 ía recortar distancias o Xota con Fabinho, como consecuencia dunha perda de balón na área dos laranxas. Tres minutos despois ían empatar o partido cun golazo de Linares pola escuadra cun disparo coa zurda.
O Xota estaba a buscar máis levar o partido, tendo máis oportunidades, con todo non eran perigosas e os laranxas controlaban a situación. Ían ser estes últimos os que se ían a poñer por diante no minuto 34, despois dunha asistencia fantástica de Isma a Renato, con outro trallazo esta vez con perna dereita que era imposible de deter.
Os visitantes ían sacar porteiro xogador e con este ía producir o empate no minuto 37, asistindo a Dani Zurdo que metía un xenial gol cun disparo á escuadra. Isto non ía quedar así, pois os laranxas non baixaron os ánimos e na seguinte xogada, no minuto 38, Isma ía poñer aos mariñáns por diante. No último minuto o Xota ía cometer a última falta, e Wanderson anotaba o definitivo 3-5 de dobre penalti.
Ficha técnica
Osasuna Magna Xota: Asier,Fabinho ,Dani , Jhonatan y Toni -Cinco Inicial- Josu, R. Rocha, R. Martil, Juninho, Ion, Aitor y Neno.
Pescados Rubén Burela: Kaluza, Isma, Lucho, Renato, Rikelme –cinco inicial- , David Pazos, Iago Míguez, Pitero, Wanderson, Nito, Quintela y Edu
Goles: Min 11 0-1 Renato; Min 20 Iago Míguez 0-2; Min 24 Fabinho 1 -2; Min 27 Linares 2-2; Min 34 Renato 3-2; Min 37 Dani Zurdo 3-3; Min 38 Isma 4-3; Min 39 Wanderson 3-5.
Árbitros: Abdulay Ndoho, Santander Flamarique: Cartón amarelo a Neno do Xota, Isma do Burela.o
Incidencias: Partido correspondente a la jornada 27ª de Primera División RFEF. Disputado no pabellón Pavillón Anaitasuna.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
