Santiago de Compostela, 13 de maio 2022. O galego non ten límites e idioma propio pódese triunfar en todos os ámbitos, desde a música a elaboración de contidos nas redes sociais, pero precísase un goberno que a coide, que a potencia e que lle dea o lugar que lle corresponde dentro e fora de Galiza, desde o orgullo da nosa lingua e cultura.
“Ese é o goberno que quere ser o BNG, un goberno que leve con orgullo ter unha lingua propia”, sintetizou a portavoz nacional, Ana Pontón, nun acto con novos creadores e creadoras de contidos en galego nas canles de maior impacto entre a xente moza, como tiktok, en vésperas da celebración do Día das Letras Galegas.
“Apoiar lingua e a cultura propias e tamén apoiar o desenvolvemento persoal, benestar, alegría, pero tamén social e económico, -explicou-, por iso queremos máis futuro para o galego, impulsar un novo marco de igualdade lingüística no que ningunha persoa se vexa obrigada a superar barreiras en función da lingua que fale”.
Nese sentido, para Pontón, o traballo de creadores e creadores de contidos das novas xeracións é unha mostra de que “a nosa lingua non ten límites”. A líder do Bloque tamén puxo énfase no empuxe internacional do galego “conectándose co mundo da lusofonía”, un amplísimo espazo cultural e lingüístico no que idioma propio pode progresar.
“Un goberno do BNG tería entre as súas prioridades nesta materia apoiar o galego no ámbito da creación audiovisual, porque é unha das linguaxes do presente e do futuro”, recalcou, con propostas como a creación dunha canle temática específica na TVG para contidos infantís e xuvenís, “con dúas vantaxes: darlle os nenos e as nenas unha oferta audiovisual en galego e desenvolver o potencial creativo nese campo”.
Pontón tamén explicou que un goberno do BNG derrogará o denominado “decreto da vergoña”, con efectos letais para o idioma pois é o único de todo o Estado que está a perder falantes, para devolverlle ó galego a condición de lingua vehicular no ensino. Hai que rematar, alegou, coa situación actual na que a escola se ten convertido nun elemento desgaleguizador, con nenos e nenas que entran falando galego e saen falando en castelán.
“Hai que conseguir algo tan básico como o que se recolle no Estatuto, que calquera neno ou nena teña pleno dominio das linguas oficiais, pero sabemos que hoxe hai un problema co coñecemento do galego, non o di o BNG senón a Real Academia Galega e, desde a colaboración e consenso co sector educativo, queremos converter a escola nunha garantía de que as xeracións do futuro van coñecer o galego e, por tanto, van ter a liberdade de poder usalo se así o queren”, explicou.
Para a portavoz do Bloque, o galego ten que ir máis aló do ámbito cultural e de creación, “ten que estar tamén no ámbito da economía” e, neste sentido, un goberno do BNG traballará para que a propia lingua teñan un carácter transversal e sexa de uso común en todos os ámbitos. “Ten que estar tamén na empresa, na industria, tanto como un elemento de orgullo como desde o potencial económico que aporta un idioma propia”, subliñou.
Pontón insistiu en que estamos ante un cambio de ciclo, un cambio galego con dúas alternativas, a dun PP que representa o pasado e a dun BNG que representa o futuro e que conta cun proxecto de goberno para construír unha Galiza mellor tras trece anos de “declive”. A líder nacionalista destacou, a preguntas dos medios, que “cortesía toda, cen días e 300 días”, pero lembrou que o novo presidente da Xunta leva trece anos no goberno, “tempo suficiente”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
