Ribadeo, 1 de xuño de 2022. Hoxe foi presentada a segunda edición do Ribadeo Ilustrado, que se desenvolverá do 10 ao 12 de xuño e que estará centrada na figura de Antonio Raimundo Ibáñez. A programación inclúe un ciclo de conferencias, representacións teatrais, demostracións de oficios tradicionais, actuacións musicais e actividades para os máis pequenos. No acto participaron o alcalde, Fernando Suárez, os concelleiros de Turismo e Cultura, Pablo Vizoso e Pilar Otero, e tamén a técnica de Turismo, Begoña García.
Vizoso Galdo explicou que “vimos de presentar a segunda edición do Ribadeo Ilustrado, que terá lugar os día 10, 11 e 12 de xuño. Trátase dun proxecto pensado para dar a coñecer ao conxunto da cidadanía ribadense e aos visitantes a importancia dunha época histórica na que tiveron lugar unha serie de acontecementos ao longo dos séculos XVIII e XIX que mudaron o ritmo económico da vila e cambiaron a súa fisionomía urbana, e tamén a nosa sociedade”.
O concelleiro de Turismo lembrou que “levamos tempo traballando nesta marca na que xa se inclúen outros proxectos como os micro vídeos teatralizados, rutas 360, rutas guiadas, visitas teatralizadas, etc”.
E subliñou que “o que pretendemos con esta iniciativa é amosar que Ribadeo era e é terra de mariños, pero tamén de mariñeiros, de xentes do mar, e que conta con moitas particularidades que o fan totalmente diferente. Explícase o que se comercializaba na época, qué embarcacións se empregaban e o modo de vida en terra dos mariñeiros e comerciantes, o seu pasado, a súa linguaxe, etc”.
Pablo Vizoso contou que “nesta segunda edición, a figura de Antonio Raimundo Ibáñez, personaxe fundamental neste período histórico, será o protagonista indiscutible. Coñeceremos máis da súa vida persoal e profesional, da sociedade na que viviu, da contorna na que medrou, do seu legado, etc. Forman parte do programa de actividades un ciclo de conferencias coa participación de Pegerto Saavedra, especialista na figura de Ibáñez, Francisco Fra,carpinteiro de ribeira e Iker Nogales Astudillo, director do Museo Casa Natal Marqués de Sargadelos, haberá representacións teatrais a cargo de Suso Martínez e Os Quinquilláns, e demostración de oficios tradicionais relacionados coas xentes do mar en diferentes ubicacións do casco histórico de Ribadeo ademais de actividades para os máis pequenos e actuacións musicais pola rúa”.
O concelleiro de Turismo anima a participar na segunda edición do Ribadeo Ilustrado: “polo tanto animo a ribadenses e quen nos visite a reservar estas datas para disfrutar desta nova edición do Ribadeo Ilustrado introducíndonos dunha maneira moi amena nunha das épocas históricas de maior relevancia da nosa vila”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
