Reclama iniciar xa o investimento de 2.000.000 euros incluído dentro do Plan Turístico Xacobeo para a comarca da Mariña
Madrid, 2 de xuño de 2022. Os representantes do BNG no Congreso e o Parlamento de Galiza, Néstor Rego e Daniel Castro, visitan a vila luguesa de Lourenzá, xunto cos concelleiros Áurea Vázquez Abal e Kike Rocha, para coñecer de primeira man o estado do mosteiro de San Salvador. Após a reunión mantida coa asociación Patrimonio Laurentino, o deputado no Congreso comprométese a rexistrar iniciativas para coñecer o estado das accións que levará a cabo o Goberno do Estado para evitar aínda máis o deterioro deste inmóbel e que foron anunciadas dentro do Plan Turístico Xacobeo 2021-2020.
O mosteiro de San Salvador de Lourenzá fundouse no século X por Osorio Gutiérrez, o Conde Santo, e ao longo dos anos foise ampliando co que nel concorren varios estilos arquitectónicos, do románico o barroco. Foi declarado Monumento Histórico Artístico en 1974 e, posteriormente Ben de Interese Cultural. Esta vinculado ao territorio histórico do Camiño de Santiago do Norte, ruta da Costa, que foi á lista do Patrimonio Mundial pola UNESCO.
Neste edificio albérganse diversas actividades como a relixiosa, sendo templo parroquial, como lúdica-cultural por situarse o Museo de Arte Sacra e o Museo da Faba, e mesmo administrativa, posto que alberga tamén a casa consistorial e a oficina de Correos. A parte sur do mosteiro é de titularidade municipal e é onde se atopa a Casa do Concello, o Museo da Faba e mesmo a oficina de Correos. Esta zona atópase en boas condicións mais a parte norte presenta un notábel deterioro.
Durante a reunión cos representantes da Asociación Patrimonio Laurentino, o deputado do BNG no Congreso comprometeuse a rexistrar iniciativas na cámara baixa para coñecer o estado das actuacións levadas a cabo polo executivo estatal. “É necesaria unha intervención e unha reparación urxente nesta zona do mosteiro e o Goberno do Estado debe facelo de maneira inmediata” destaca Rego.
O deputado lembra que a Ministra de Industria, Comercio e Turismo presentou hai un ano o Plan Turístico Xacobeo 2021-2020 que recollía o compromiso de artellar o investimento turístico do Estado, en colaboración coa Administración galega, en actuacións de gran relevancia económica no patrimonio cultural. “Dentro deste programa, o Ministerio de Turismo recollía o compromiso de, a través dos fondos Next Generation EU, investir un total de 2 millóns de euros no mosteiro de San Salvador de Lourenzá” lembra Rego destacando que esta inversión debería ser executado entre 2021 e 2023.
Porén, segundo a información que se coñece até o de agora o intento de chegar a un convenio para a cesión ao concello da parte a rehabilitar, non chegou a efectivizarse despois de que o Ministerio negase a posibilidade de realizar o investimento anunciado pola titularidade do ben. “Non se entende que o Ministerio deixe de lado a negociación do convenio de cesión” subliña Rego, “o executivo estatal debe atopar a posibilidade de achegar esa axuda económica”.
“É notábel o deplorábel estado de conservación que presentan os claustros e as transversais do propio edificio. Condicións que impiden que ditas zonas poidan te un uso concreto debido á pouca seguranza que presentan” explica Rego. De facto, a Dirección Xeral de Patrimonio Cultural realizou unha actuación de urxencia- bastante polémica polo uso de chapa metálica en dita reforma- xa que o risco de perda e de dano irreparábel era moi serio.
Pola súa banda, o deputado do BNG no Parlamento de Galiza, Daniel Castro, lembrou que a organización nacionalista presentou na cámara galega varias iniciativas ante a pasividade das administracións para conservar este Ben de Interese Cultural. “Na última delas reclamabamos á Xunta de Galiza que revisase a elección de materiais empregados na reforma da cuberta do mosteiro e mesmo demandabamos que se reducise o prazo máximo de permanencia de dita reforma, baixando de catro a dous anos” destaca Castro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
