Viveiro, 6 de xuño de 2022. O Concello de Viveiro busca persoas voluntarias para participar no seu “Programa Voluntariado Xuvenil 2022”, organizado dende a Oficina Municipal de Voluntariado (O.M.V). As persoas participantes recibirán un certificado e remuneración económica pola súa contribución ao programa, cuxos detalles poden consultarse na Oficina Municipal de Voluntariado.
A actividade, baixo unha subvención da Dirección Xeral de Xuventude, Participación e Voluntariado, diríxese á mocidade entre os 16 e os 30 anos. Para esta actividade a realizar nos meses de xullo, agosto e setembro, búscanse preferiblemente persoas que teñan algunha formación na área educativa ou social.
Este programa, con xornadas diarias de ata 6 horas, pretende brindar á mocidade a oportunidade de desenvolver unha serie de posibilidades no ámbito persoal e profesional. Tamén pretende aumentar a súa dispoñibilidade de cara ao emprego e a súa participación na sociedade en xeral.
A actividade enmárcase dentro da concellería de Benestar Social e componse de diferentes actividades de apoio educativo e de lecer a colectivos en situación de risco de exclusión social.
A concelleira de Benestar Social, Victoria Baamonde, participou neste voluntariado tras rematar os seus estudos universitarios. “Foi a miña primeira aproximación ao mundo laboral. Nese tempo coñecín a excelentes profesionais, e descubrín a miña vocación, o traballo con menores en situación de vulnerabilidade. O voluntariado educativo e social supuxo o inicio da miña carreira profesional polo que ánimo a todos os veciños e veciñas de Viveiro que reúnan os requisitos a formar parte de esta fermosa e enriquecedora experiencia persoal e laboral”, sinala a concelleira.
O programa inclúe un compoñente sensibilizador e formativo, xa que a través do mesmo pódese formar a un equipo de voluntariado que desexe colaborar de forma solidaria na organización destas actividades.
O labor das persoas voluntarias basearase na intervención con menores e adultos, para fomentar a súa formación, promover o coñecemento, e aproveitar os recursos do Concello de Viveiro.
A mocidade interesada en participar deberá cubrir unha ficha solicitando a participación voluntaria no programa e acudir á Oficina Municipal de Voluntariado(O.M.V.), situada no Centro de Servizos Sociais Avenida de Cervantes s/n, de luns a venres en horario de 9:00 a 14:00 ou chamando o teléfono 982550421.
Tamén é posible solicitalo na Oficina Municipal de Información Xuvenil (O.M.I.X.), situada no Concello de Viveiro Praza Maior nº 1, de luns a venres en horario de 10:15 a 14:30 ou chamando ao teléfono 982560128.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
