O portavoz popular, Óscar Rodríguez, ve na alcaldesa falta de sensibilidade para adoptar as medidas necesarias para manter en bo estado as fontes públicas
Viveiro, 23 de xuño de 2022. A auga é un ben estratéxico, ao que non sempre se dá o seu verdadeiro valor. A xeralización das traídas, propiciou que a Administración preste menos atención da debida ás fontes públicas, que, xunto en moitos casos á súa compoñente ornamental, teñen o seu principal valor no subministro de auga. Dende calquera destes dous puntos de vista as fontes públicas, polo tanto de titularidade municipal, precisan atención por parte do Concello, o mesmo no que se refire a súa conservación como ao control e información sobre a calidade da auga. Así o sinala o portavoz popular, Óscar Rodríguez. Os populares presentarán unha iniciativa na próxima sesión plenaria para mellorar as condicións nas que se atopan, moitas delas hoxe en pésimo estado, e para ampliar os controles da calidade da auga.
Os populares denuncian que as fontes públicas de Viveiro están en moi mal estado de conservación. Case cubertas de maleza e de herbas, con evidente falta de limpeza e sen as necesarias obras de reparación, case sempre pouco custosas. Rodríguez di: “É unha demostración de falta de sensibilidade por parte do goberno municipal, presidido pola socialista María Loureiro. É unha pena, porque son pezas que, en moitos casos, teñen interese, son un valor patrimonial e, sobre todo, son parte da nosa historia”.
Con ser importante o aspecto, o máis relevante é o estado da auga que aportan as fontes públicas. O Concello, segundo sinala Óscar Rodríguez, fai algúns controles, mediante analíticas, do estado da auga dalgúns mananciais. Aínda son moitos, segundo sinala o portavoz popular, os veciños que gustan de consumir auga da súa fonte preferida. Por iso, asegura, “é moi importante que o control dos mananciais sexa frecuente, periódico e que a información dos resultados obtidos nas analíticas se difunda tanto como sexa posible, en síntese, para que a xente saiba se a auga é ou non apta para o consumo. “Á marxe de que en situacións extraordinarias, se fagan analíticas puntuais, o control sanitario das fontes debe ser sostido no tempo, periódico, frecuente e debe alcanzar a todas as fontes públicas do municipio”. Os resultados, traducidos no estado apto ou non para o consumo, deberán ser difundidos como información municipal, segundo indica Rodríguez, a través dos distintos medios posibles, incluída a páxina web e das redes do Concello.
O portavoz popular di que é precisa a colaboración dos cidadáns para que os avisos de auga non apta para o consumo non desaparezan das fontes. “É importante que o Concello habilite algún medio para que os carteis non desaparezan das fontes, porque a información de que a auga non é apta para o consumo e moi relevante, porque afecta a saúde das persoas”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
