Lugo, 17 de xullo de 2022. A Peña Ciclista Lar de Viveiro sinalizou o trazado da Viveiro Bike Xtreme coa colaboración da Vicepresidencia da Deputación de Lugo. A área de Deportes financiou a instalación de paneis informativos e marcas de continuidade no percorrido desta proba de montaña que o club ciclista ven organizando anualmente e que transcorre por algúns dos puntos máis elevados do municipio como o Alto da Silvarosa, Monte Castelo ou Penedo do Galo.
Ademais da sinalización do itinerario completo, de 60 quilómetros e 2.500 metros de desnivel positivo, creáronse indicativos para delimitar tres rutas con distintos niveis de dificultade, ofrecendo varias alternativas para desfrutar deste entorno.
Así, creouse unha ruta de 15 quilómetros e 713 metros de desnivel positivo no tramo da Silvarosa, outra de 17 quilómetros e 793 metros de desnivel positivo no tramo de Monte Castelo, e outra de 27 quilómetros e 943 metros de desnivel positivo no tramo de Penedo do Galo. Os trazados están dispoñibles en webs e aplicacións de rutas ao aire libre xeoreferenciadas como Wikiloc, que conta con máis de 7 millóns de usuarios.
A sinalización permanente destas rutas pretende situar Viveiro como un punto de referencia para afeccionados e afeccionadas ao ciclismo de montaña durante todo o ano, e contribúe tamén a potenciar e facilitar a práctica de actividades de ocio e saudables ao aire libre.
O deputado de Deportes Efrén Castro subliñou o interese “desta actuación proposta pola Peña Ciclista Lar para poñer en valor as condicións naturais que ofrece Viveiro para o ciclismo e aproveitar en beneficio do municipio a auxe que están experimentando os deportes na natureza” e valorou “este tipo de iniciativas como unha mostra da importancia que as asociacións e os clubs deportivos, cos que desde a Vicepresidencia da Deputación mantemos distintas liñas de colaboración, teñen na dinamización social e económica dos municipios e comarcas”.
Viveiro Bike Xtreme, o 16 de outubro
Peña Ciclista Lar de Viveiro organizou este sábado unha quedada para estrear esta nova sinalización na que participaron unha trintena de afeccionados e afeccionadas e na que se confirmou o 16 de outubro como data de celebración da vindeira edición da Viveiro Bike Xtreme
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
