Compostela, 4 de xullo, 2022. ABANCA e a Federación Galega de Confrarías de Pescadores veñen de renovar, un ano máis, un acordo financeiro de colaboración que ten como obxectivo principal dar resposta ás demandas do sector co foco posto no acceso ao crédito e na sostibilidade.
O texto foi rubricado esta mañá en Santiago de Compostela por parte do director de ABANCA Mar, Javier Fraga, e o presidente da Federación Galega de Confrarías de Pescadores, José Antonio Pérez. Durante o encontro, ambos representantes conversaron sobre os retos actuais aos que se enfronta o sector e o representante de ABANCA resaltou o compromiso que mantén a entidade financeira coa economía de proximidade e co sector primario en Galicia.
Mediante este acordo, ABANCA continúa coa súa aposta pola mellora da sostibilidade e da eficiencia enerxética mediante o proceso de renovación da frota pesqueira. Para que esta renovación sexa posible, a unidade especializada ABANCA Mar volve habilitar aos membros da Federación as hipotecas navais e os préstamos a tipo fixo con amplos prazos de amortización, posibilidade de carencias e xuros moi competitivos. Desta forma, poderán realizar unha remodelación ou segunda adquisición de barcos máis eficientes e respetuosos co medio ambiente. Así mesmo, promoveranse tamén outros produtos específicos para realizar inversións sostibles e asi realizar un adecuado desenvolvemento dos negocios.
Produtos e servizos deseñados por ABANCA Mar
Os membros da Federación contarán tamén cun amplo catálogo de produtos e servizos deseñados por ABANCA Mar, como unha póliza de crédito específica con xuros moi competitivos, préstamos persoais sen xuros ou comisións con amplos prazos de amortización para aprazar o pago de impostos, leasing mobiliario, avais ou desconto comercial.
As confrarías contarán con alternativas de financiamento dos convenios oficiais que o banco mantén co ICO, Igape e as SGR galegas. A ampla oferta contará tamén con seguros creados a medida grazas ao amplo coñecemento no sector que ten ABANCA. Así mesmo, os pescadores poderán aproveitar as vantaxes que lles ofrece o Programa Servizos ABANCA, que permite aforrar no pagamento dos servizos bancarios máis habituais grazas á súa vinculación co banco.
Esta firma súmase aos acordos asinados e renovados nos últimos meses con distintas e numerosas confrarías galegas, así como con outras asociacións pesqueiras, marisqueiras e conserveiras. Desta forma, ABANCA demostra unha vez máis o seu compromiso cun sector esencial para a economía produtiva de Galicia e ofrece así o seu apoio a través dunha oferta financeira que da resposta ás súas necesidades.
ABANCA conta desde 2016 con ABANCA Mar, a súa unidade especializada no sector do mar e a pesca que ofrece un amplo catálogo de produtos e servizos creados para dar resposta ás demandas do colectivo ofrecendo solucións personalizadas ás problemáticas puntuais coas que conta o sector.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.