Os senadores do PP de Lugo solicitaron ao Goberno que aclare en que estado se atopa o compromiso para a construción do novo cuartel da Garda Civil, se se mantén a inversión prevista de 2,8M€ e se existe un calendario concreto para a redacción do proxecto, licitación e execución das obras, ademais dos motivos de que esta actuación non se materializase
Vilalba, 6 de marzo de 2026. Os tres senadores do PP lucense pola provincia – José Manuel Barreiro, José Manuel Balseiro e Juan Serrano – anunciaron que preguntarán no Senado sobre en que situación se atopa o compromiso anunciado polo Goberno de España para a construción dun novo cuartel da Garda Civil en Vilalba, así como os motivos polos que, cinco anos despois do anuncio, esta actuación aínda non se materializou.
Así o anunciaron os senadores do PP de Lugo esta mañá xunto a representantes do PP de Vilalba.
No ano 2020, o Goberno anunciou publicamente a intención de destinar unha inversión de 2,8M€ para a construción dun novo cuartel da Garda Civil na capital chairega, unha actuación amplamente demandada tanto pola cidadanía como polos propios profesionais que prestan servizo na comarca.
Os senadores populares lembran que a Garda Civil desempeña un papel esencial na garantía da seguridade cidadá, especialmente no medio rural, onde a dispersión xeográfica e as características do territorio esixen unha resposta áxil e eficaz.
Neste contexto, dispoñer dunhas instalacións modernas, adecuadas e funcionais non só melloraría as condicións laborais e de benestar do persoal destinado no cuartel, senón que tamén permitiría optimizar os tempos de intervención, reforzar a capacidade operativa e mellorar a atención á poboación.
Do mesmo xeito, sinalan que a existencia dun cuartel adaptado ás necesidades actuais contribuiría de maneira decisiva a reforzar a sensación de seguridade entre os veciños e veciñas de Vilalba e dos municipios da contorna, consolidando a presenza do Estado e dos servizos públicos nunha zona estratéxica da provincia de Lugo.
Transcorridos cinco anos desde o anuncio desta inversión, non consta información pública actualizada sobre o estado do proxecto nin sobre o seu calendario de execución.
Ante esta situación, os senadores do PP de Lugo solicitaron ao Goberno que aclare en que estado se atopa o compromiso para a construción do novo cuartel da Garda Civil en Vilalba, se se mantén a inversión prevista de 2,8M€ e se existe un calendario concreto para a redacción do proxecto, licitación e execución das obras, así como cales foron os motivos polos que esta actuación non se levou a cabo ata o momento.
Os populares subliñan a importancia de avanzar nesta infraestrutura “necesaria para mellorar as condicións de traballo da Garda Civil e reforzar a seguridade na Terra Chá”, polo que reclaman ao Goberno información clara sobre o futuro deste proxecto.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
