Compostela, 6 de marzo, 2026. CCOO de Galicia fai un chamamento a unha participación masiva nos actos e manifestacións que se celebran con motivo do 8 de marzo, Día Internacional das Mulleres. Nun contexto no que a ultradereita espalla discursos de odio antifeminista, o sindicato reivindica os dereitos e o poder das mulleres e anima a cidadanía a ocupar as rúas para reclamar unha igualdade plena.
A organización lembra que os dereitos humanos se vulneran cada vez que se discrimina a metade da poboación. Por este motivo, CCOO mantén durante todo o ano o seu compromiso coa defensa dos dereitos das mulleres desde o ámbito laboral, co obxectivo de transformar as condicións de traballo, pero tamén os modelos familiares, os centros laborais, as relacións sociais, as institucións e, en definitiva, a sociedade no seu conxunto.
Nun escenario marcado polo avance de discursos reaccionarios e antifeministas, o sindicato destaca o seu papel —e o das asociacións feministas galegas e estatais coas que colabora— como dique de contención. Entre as súas liñas de acción, subliña:
• A reivindicación dos dereitos e do poder de todas as mulleres.
• A defensa do carácter internacional e innegociable dos dereitos das mulleres.
• A acción sindical transformadora a través da negociación colectiva, cos plans de igualdade como ferramenta central.
• O impulso da mellora das condicións laborais das traballadoras dos sectores máis precarizados, especialmente das mulleres migrantes.
• O traballo para avanzar cara a unha sociedade corresponsable nos coidados.
CCOO afirma que a súa resposta é firme fronte ás distintas violencias exercidas contra as mulleres e insta tanto ao Goberno galego como ao central a desenvolver políticas públicas que garantan condicións de vida dignas para todas as persoas.
Con motivo do 8 de marzo, o sindicato chama á súa afiliación e ao conxunto da sociedade galega —mulleres e homes— a participar nas manifestacións convocadas en todo o país en defensa da igualdade.
Como cada 8M, CCOO anima a tomar as rúas co poder transformador das mulleres para avanzar cara a un mundo máis xusto e igualitario.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
