Cuestionan tamén os criterios do PP ao nomear unha persoa sen traxectoria vinculada ao sector marítimo-pesqueiro
Lugo, 5 de marzo de 2026. As e os socialistas de Lugo critican que a Goberno de Rueda na Xunta de Galicia tardase preto de once meses en nomear unha persoa ao fronte da Delegación Territorial de Mar e Pesca na provincia e que nomeara a un perfil sen traxectoria vinculada ao sector marítimo-pesqueiro.
Dende o PSdeG lembran que durante todo este tempo a provincia permaneceu sen dirección política nesta área, unha situación que consideran “inxustificable” e que, segundo sinalan, “evidencia unha vez máis o abandono do Goberno galego coa Mariña e co sector do mar”.
A formación na provincia reforza as denuncias realizadas polas compañeiras e compañeiros socialistas de Viveiro, que xa advertiran nos últimos meses da falta deste nomeamento nun posto clave para garantir a interlocución coa administración autonómica nun territorio cun sector pesqueiro e mariñeiro fundamental para a economía da Mariña.
As e os socialistas cuestionan tamén os criterios empregados polo Goberno do PP para este nomeamento, xa que, segundo explican, a persoa designada non conta cunha traxectoria profesional vinculada ao sector marítimo-pesqueiro, senón ao ámbito veterinario e da sanidade animal.
“Despois de manter sen cubrir este posto case un ano, a Xunta decide nomear unha persoa sen relación directa co sector do mar. É lexítimo preguntarse cales son os criterios que segue o Partido Popular para tomar este tipo de decisións nun ámbito tan importante para a nosa provincia”, sinalan.
Dende o PSdeG fan referencia ás críticas formuladas polo PSdeG de Viveiro sobre o uso que se fixo da Delegación durante a etapa anterior, cando, segundo explicaron, reunións institucionais que debían celebrarse no Concello se trasladaban a esta dependencia da Xunta para garantir a presenza da entón responsable, Mariña Gueimunde, na foto institucional.
“Esta situación evidencia unha vez máis a forma de gobernar do Partido Popular, utilizando as institucións e os cargos públicos ao servizo dos seus propios intereses en lugar de velar polo interese xeral e polo ben da cidadanía”, conclúen.
Por todo iso, as e os socialistas de Lugo esixen ao Goberno do PP na Xunta que dea explicacións sobre os criterios seguidos para este nomeamento e que garanta que a Delegación Territorial de Mar e Pesca en Lugo traballará con rigor e compromiso ao servizo do sector mariñeiro e do conxunto da provincia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
