O voceiro provincial popular reivindicou un feminismo que non se someta a pactos do goberno de vergoña xa que “non cabe o silencio cando a xustiza sinala indicios tan graves”, instando a José Ramón Gómez Besteiro e a Lara Méndez a aplicar “a mesma vara de medir” que esixen aos demais e a deixar de amparar a quen hoxe está baixo a sombra da sospeita xudicial
Lugo, 6 de marzo de 2026. O Partido Popular da provincia de Lugo realizou hoxe a lectura dun manifesto con motivo do 8M, Día Internacional das Mulleres, de xeito independente ao institucional da Deputación de Lugo, unha decisión baseada na negativa a participar en actos de quen tratou de “branquear” a situación de José Tomé tras coñecerse que a Fiscalía se querelou contra el por un presunto delito de acoso sexual e abuso no exercicio da función pública.
O voceiro provincial popular, Antonio Ameijide, foi contundente ao cuestionar “a nula coherencia” de PSOE e BNG: “Hoxe cómpre preguntarse que pensaría Rosalía de Castro, referente das mulleres, de PSOE e BNG ao ver que venderon o feminismo por manter na Deputación a un acusado de presunto acoso sexual”.
Ademais, Antonio Ameijide tamén dirixiu as súas críticas ao BNG: “Que pensaría Rosalía de Castro ao ver que Ana Pontón e Efrén Castro sacrifican os valores que din defender a cambio de manter a vicepresidencia, as áreas de goberno, os salarios e o coche oficial?”.
“O BNG pasou de defender o feminismo e ás mulleres a ser o cómplice necesario dunha situación extraordinariamente grave co único fin de manterse no goberno da Deputación de Lugo, son eles os que teñen a obriga moral e con todos os lucenses de facer públicos os acordos asinados para formar este goberno, acordos asinados entre PSOE, BNG e José Tomé”, afirmou.
Antonio Ameijide denunciou que, lonxe de apartar a José Tomé, o PSOE e o BNG premiárono “cunha desorbitada suba salarial” e permitíndolle manter a alcaldía de Monforte e a súa acta de deputado.
“Lugo e as súas institucións merecen limpeza e dignidade”, destacou Ameijide, que tamén cuestionou o papel da actual presidenta da Deputación: “Que pensaría Rosalía de Castro ao ver que Carmela López permite que José Tomé tutele o goberno provincial dende a sombra, vixiando cada decisión e mantendo unha presenza que escurece a xestión da Deputación?”.
O voceiro provincial popular reivindicou un feminismo que non se someta a pactos de goberno nin a estratexias de supervivencia política. “Non cabe o silencio cando a xustiza sinala indicios tan graves no entorno do poder provincial”, conclúe, instando de novo a José Ramón Gómez Besteiro e a Lara Méndez a aplicar “a mesma vara de medir” que esixen aos demais e a deixar de amparar a quen hoxe está baixo a sombra da sospeita xudicial.
Antonio Ameijide tamén incidiu en que os dirixentes autonómicos e provinciais do PSOE “non fixeron nada cando a vítima lles pediu axuda ao poñer os presuntos feitos no seu coñecemento”, tal e como quedou probado, “tapando os feitos durante meses ata que transcenderon á opinión pública”. Agora, unha vez que a Fiscalía anunciou a súa intención de presentar unha querela contra Tomé, no PSOE sinalan que renuncian a actuar, “demostrando de novo que o seu único obxectivo é axudar a un presunto acosador”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
