Ribadeo, 6 de marzo de 2026. Concello de Ribadeo e Deputación de Lugo asinaron hoxe o convenio polo que a institución provincial asume o 100% do financiamento da residencia de maiores. O alcalde, Dani Vega, considera que se trata dun bo acordo.
O rexedor contou que “hoxe firmamos un convenio coa Deputación que a partir de xa vai pasar a financiar 100% a nosa residencia de maiores. Ata o de agora unha porcentaxe a poñía a Deputación e outra cantidade era aportada polo Concello. A partir de agora financiará a Deputación 100%”.
Para Vega “é un bo convenio, é un bo acordo, eu creo que é unha liña correcta, eu creo que a Deputación tiña que financiar este servizo básico e nos agradecémosllo á presidenta, Carmela López, e ao deputado Pablo Rivera, porque entenderon que tiñan que colaborar cos Concellos. Así como tamén valoramos todas as axudas que fan todas as administracións”.
O rexedor lembrou que “hai poucos días a Xunta tamén anunciaba esa achega no Servizo de Axuda no Fogar, iso quere dicir que aporta máis cantidade e así os Concellos temos que poñer menos orzamento para o Servizo de Axuda no Fogar. Entender que todas as administracións estean na liña correcta e os Concellos o que temos que facer é xestionar orzamento e preocuparnos por traer máis orzamento ao noso municipio e estar constantemente loitando para que os Concellos teñan que poñer menos recursos cando non teñen as competencias”.
Vega manifestou: “hoxe a Deputación eu creo que firmou un bo convenio poñendo no centro á persoa e os servizos básicos como é toda a política de benestar social, que é fundamental para o Concello de Ribadeo. É un acordo moi positivo, e seguir nesa liña que é na vamos seguir desde Ribadeo, nesa xestión constante e permanente de recursos fundamentais para Ribadeo”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
