Ribadeo, 20 de xullo de 2022. Na xunta de goberno celebrada nas últimas horas no Concello ribadense foi concedida licenza de obra para a instalación dunha coñecida empresa de comida rápida. Tamén foi autorizada a instalación de tres puntos de recarga eléctrica de vehículos nunha céntrica gasolineira. O alcalde, Fernando Suárez, subliñou que “Ribadeo estase a converter nun pulmón económico e de desenvolvemento moi importante na Mariña de xeito paseniño, pero imparable”.
O rexedor declarou que “estas últimas xuntas de goberno onde o Concello autoriza actividades, obras, etc… están supoñendo unha continua e seguida mostra de que Ribadeo vai camiñando na boa dirección. Como proba diso é que a xunta de goberno de onte, de entre as varias autorizacións de obras que vamos dando, cabe destacar a dunha nova vivenda unifamiliar en Vilar ou un novo ximnasio na Avda Rosalía de Castro”.
Fernando Suárez contou que “tamén autorizamos a instalación de tres puntos de recarga eléctrica de vehículos nunha céntrica gasolineira de aquí da vila, que se veñen engadir aos 4 que xa nunha sesión anterior outorgamos na área de aparcamento dun restaurante en Vilaframil”.
O alcalde ribadense subliñou: “e tamén na sesión de onte demos a licenza de obra para a instalación dunha empresa de comida rápida, coñecida como Burger King, nunha parcela duns 3.000 m2 na Avda. da Ría de Ribadeo. Alí vaise construír un edificio con terraza, aparcadoiros, etc. A autorización foi outorgada logo de que se cumpriran todos os requirimentos técnicos e de mellora e reforzo do sistema de saneamento que existe naquela zona, algo que indirectamente vai beneficiar aos veciños daquela parte de Vilar”.
O rexedor engadiu que “en definitiva, son pasos que desde o goberno municipal valoramos positivamente. Seguro que hai iniciativas económicas que van traer competencia unhas as outras, pero sen dúbida Ribadeo estase a converter nun pulmón económico e de desenvolvemento moi importante na Mariña de xeito paseniño pero imparable”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
