O goberno local dá continuidade ao compromiso de impulsar esta marca de calidade e dos produtos acollidos a ela, co fin de que o seu desenvolvemento supoña tamén a incorporación de persoas ao sector primario
Mondoñedo, 20 de xullo de 2022. O Concello avanza no apoio e posicionamento da marca Horta de Mondoñedo, entregando aos produtores asociados bolsas promocionais para que estes as poidan repartir aos clientes e seren así “axentes difusores” deste distintivo, tal e como indican dende o goberno local.
Esta iniciativa dá, por tanto, continuidade ao compromiso asumido polos dirixentes municipais de impulsar esta marca de calidade e dos produtos acollidos a ela, de tal xeito que o seu desenvolvemento contribúa á consolidación de emprego vencellado ao sector primario.
O proxecto Horta de Mondoñedo comezou en 2018, coa presentación na consellería do Medio Rural do texto para regular o seu uso, sendo informado favorablemente en febreiro dese mesmo ano. Este traballo tivo continuidade no tempo con distintas actuacións como a posta no mercado dun produto que conserva o valor engadido do tomate que se cultiva nesta zona, e que permite que se deguste fóra de tempada. Incluíu, ademais, a creación da asociación de produtores de conservas de hortalizas de Mondoñedo ou o impulso da Faba Verdina.
“Agora damos un paso máis porque apostar pola nosa horta é apostar pola importante calidade no noso produto”, destacan. E é que a posta en marcha deste proxecto permitiu que se incorporase persoas a este sector que, xunto co turismo, “está chamado a ser un dos revulsivos dun municipio con tanta historia como futuro”, afirman dende a entidade local.
“Estes produtores apostan pola diversificación para dar maior valor aos seus produtos de calidade, e dende o Concello seguimos apoiándoos. O mercado é cada vez máis esixente pero en Mondoñedo estamos á altura”, conclúen.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
