Patricia Otero censura que o PP rexeite esta proposta impulsada polo PSdeG para acadar unha posición conxunta en contra ao veto á pesca de fondo por parte da Comisión Europea
Santiago de Compostela, 13 de xullo de 2022. A portavoz de Pesca do Grupo Socialista, Patricia Otero, lamentou hoxe que a “intransixencia” do PP teña impedido acordar unha Declaración Institucional impulsada polo Grupo Socialista para que o Pleno do Parlamento apoiara ao sector pesqueiro e fronte ao veto á pesca de fondo por parte da Comisión Europea.
A responsable socialista lamentou que o PP “quixera impoñer un trágala” esixindo modificar o texto para convertelo nunha declaración de adhesión do Parlamento ao Manifesto subscrito pola Xunta de Galicia o pasado 5 de xullo, ao que “os grupos parlamentarios non fóramos convidados”, e que ademais suporía “supeditar a autonomía da Cámara a un documento impulsado polo Executivo autonómico”.
A proposta presentada polos socialistas galegos trasladaba o apoio ao sector pesqueiro en contra do veto da Comisión Europea á pesca de fondo. Advertía que a intención do executivo comunitario resulta “sumamente prexudicial para os intereses da flota galega, nomeadamente das persoas que traballan na zona de litoral e Gran Sol”.
Otero lamenta que o PP se teña descolgado finalmente deste acordo para amosar “o total apoio ao sector pesqueiro galego ante unha nova ameaza das institucións comunitarias co posible veto da Comisión Europea á pesca de fondo”. Así o sinalaba nesta declaración, que rexeitaba “rotundamente” esta medida de “veto á pesca de fondo” e emprazando á súa “retirada inmediata”.
Con esta iniciativa, os socialistas galegos pedían unha declaración unánime para dirixirse á Comisión Europea, á que instaba a “establecer unha verdadeira vía de diálogo cos estados membros e co sector pesqueiro para abordar esta cuestión”. Tamén reclamaba “a elaboración de novos informes científicos e técnicos, así como estudos socioeconómicos rigorosos que permitan adoptar unha decisión con garantías ante este tema de vital transcendencia”.
O texto advirte que por parte dos órganos comunitarios “no se lles consultou aos estados membros dunha forma seria, así como tampouco se tivo en conta ao sector pesqueiro” para impulsar esta prohibición. Sinalaba finalmente que “a esta falla de diálogo preocupante súmaselles ademais que se pretende executar este veto sen achegar os suficientes argumentos científicos e técnicos que o avalen, e sen un verdadeiro estudo socioeconómico que analice o impacto desta prohibición no sector”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
