A esixencia do pago dentro deste ano, obriga ao goberno municipal a modificar o orzamento, afectando á actividade ordinaria municipal
Barreiros, 19 de xullo de 2022. O pleno do Concello de Barreiros debateu onte unha proposta da alcaldía necesaria para consignar o crédito suficiente no orzamento para facer fronte ao pago dos intereses derivados dos costes xurídcios do antigo goberno en diversos procedementos xudiciais.
A alcaldesa explicou que esta modificación era precisa porque non se contemplaron inicialmente “en previsión de poder afrontalos no vindeiro exercicio, xa que a intención inicial da corporación – aprobada en pleno cos votos do Partido Popular- era fraccionar os pagos mensualmente para non afectar á tesourería municipal”.
A non aceptación deste acordo e a súa impuganción xudicial por parte dos representantes do PP, algúns deles presentes no pleno, supuxeron un auto xudicial que obriga a afrontar a totalidade do pago -superior a 116.000€ nun único pago-, polo que foi preciso cambiar os orzamentos para facer fronte a eses máis de 6.000€ de intereses que non permitiron agardar ao vindeiro exercicio económico”.
Neste sentido, explicou a rexedora, “a importancia da cantidade afecta notablemente ao día a día municipal, polo que se debe renunciar a determinados investimentos, atrasalos ou mesmo pospoñelos para outros anos”.
O caso máis evidente, e do que se deben retirar máis de 5.000€ para adicalos aos intereses, é o arranxo do lavadoiro público do Santiño, que contaba cunha subvención do Instituto de Estudos do Territorio de Galicia á que tamén se ven na obriga de renunciar por non poder contar coa parte que lle correspondería ao municipio. Tamén sufrirá atrasos a execución do plan de rebacheos municipal, que se prevía levar a cabo durante os meses de verán e que deberá agardar a contar con liquidez; “xa que facer fronte a un importe tan elevado nun concello coma Barreiros nun único pago é un imprevisto que fai abanear a tesourería municipal”.
Aprobación da proposta por representantes do goberno municipal.
Na sesión da corporación viviuse un momento de desconcerto cando o portavoz do Partido Popular –e interesado no procedemento de reclamación xudicial de ditos gastos- anunciou o voto en contra da única concelleira do seu grupo que asistiu á sesión plenaria e que quedaba libre para votar neste asunto ao non ser directamente afectada.
A alcaldesa amosou a súa sorpresa por esta posición contraria, absolutamente incongruente con ter demandado dito pago xudicialmente. Para a rexedora o que demostra esta actitude é que o único propósito das súas actuacións é perxudicar o interese xeral e minar a capacidade de actuación do actual goberno, que deberán explicar diante da veciñanza. “Presentan unha demanda xudicial pedindo o pago inmediato e agora néganse a aprobar unha modificación nos orzamentos necesaria para cumprir co que dicta o xulgado en base ao solicitado por eles mesmos”.
A proposta saiu adiante cos votos das representantes das dúas forzas que conforman o goberno municipal “por responsabilidade e porque esta modificación é imprescindible para que poida darse cumprimento a un mandato xudicial”. Tanto Ana Ermida coma Carmen Veiga amosaron o seu respecto á resolución xudicial, aínda que tamén manifestaron o disgusto pola “falla de sensibilidade do PP cos intereses xerais municipais e o intento de boicoteo ao traballo do goberno”, xa que, aseguran, é o primeiro caso no que un acreedor non acepta un plan de pagos municipal.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
