Os populares trasladan o malestar dos veciños polo estado en que se atopan as beiras de estradas municipais en Xinzo, Vilacendoi e Río
Foz, 6 de xullo de 2022. Hai problemas imprevistos aos que, cando se producen, hai que dar solución como se pode. Pero os gobernos non teñen escusa cando non prevén con tempo aquelas tarefas que é preciso levar a cabo cada ano, como é o desbroce das beiras das estradas e das zonas verdes. O portavoz do PP, Javier Castiñeira, insta ao alcalde Cajoto a xestionar os citados traballos tanto nas estradas municipais como en zonas verdes como a do Carme.
Castiñeira sinala: “No pasado pleno, o grupo municipal do PP trasladou ao alcalde a súa preocupación pola falta de mantemento das áreas verdes e pola falta de desbroce das estradas municipais. O alcalde, unha vez máis, nun alarde de desinterese absoluto polo que lle di a oposición, negouno”.
O portavoz popular explica: “Nós entendemos que o servizo municipal a día de hoxe é moi deficiente, porque faltan recursos, tanto humanos como maquinaria, e iso leva a que algunhas parroquias estean aínda sen rozar”. Engade: “É o caso dunha área recreativa importante, unha das máis grandes que ten o noso concello, que é a do Carme, que está sen rozar e absolutamente abandonada. Tamén os barrios de San Martiño, tanto Xinzo como Vilacendeoi e Río, son zonas nas que as estradas están sen desbrozar, o que preocupa aos veciños e ao PP”.
Os populares instan a Cajoto a cambiar de actitude e a que recolla as preocupacións do PP, que, como sinala Castiñeira, “son sempre en positivo, e resolva o problema polo ben dos veciños e para mellorar a imaxe do noso pobo”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
