No PP destacan que a de Altri “é unha fábrica de gran importante para toda a provincia, especialmente porque falamos de poñer en valor a vida no rural cando tan necesario é que os pobos do rural teñan actividade industrial”
Lugo, 26 de xullo de 2022. A provincia de Lugo atravesa un momento crucial para o seu tecido industrial. O Partido Popular de Lugo, por medio do seu grupo provincial, na súa permanente disposición a sumar en beneficio de Lugo, defenderá sendas mocións no pleno que hoxe celebra a Deputación para facilitar o asentamento da fábrica de Altri en Palas de Rei e para propiciar que a de Alcoa en A Mariña se poida alimentar o antes posible de enerxías verdes, renovables. O portavoz popular na Deputación, Javier Castiñeira, explica: “No pleno de hoxe, o grupo provincial do PP seguirá na súa liña de efectuar propostas importantes e produtivas para a provincia de Lugo; neste caso focalizámolas no sector industrial, en dúas mocións fundamentais para o tecido industrial lucense”.
Castiñeira sinala: “Unha das mocións está relacionada coa fábrica de fibras téxtiles de Altri, que se ubicará en Palas de Rei, na comarca da Ulloa, na que a Xunta, outras administración e a empresa xa fixeron o seu traballo e están pendentes de que o Goberno do Estado tramite, canto antes, as axudas para o financiamento da construción desa fábrica. É unha fábrica de gran importante para toda a provincia, especialmente porque falamos de poñer en valor a vida no rural cando tan necesario é que os pobos do rural teñan actividade industrial”. O portavoz popular lembra que o sector forestal, que tanto está a sufrir, e fundamental para Galicia. “Coa construción desa fábrica seremos aínda máis punteiros no campo forestal”, din os populares.
No PP confirman o seu apoio, como fixeron todos estes anos, “aos traballadores de Alcoa, que demandan do Estado moita máis axilidade na tramitación dos parques eólicos que deben subministrar enerxía verde, renovable, á fábrica de Alcoa para que siga producindo aluminio primario en A Mariña, aluminio de mellor calidade e co selo verde”. Castiñeira di: “Por un lado, é necesario que se poñan as pilas algúns concellos que quixeron alegar a eses parques eólicos e están retrasando a tramitación, e, pola súa parte, o Goberno central ten que axilizar os permisos para que se poida garantir un futuro para os nosos traballadores”.
Castiñeira considera que “son dúas iniciativas importantes que afectan a toda a provincia”, polo que espera “o apoio tanto dos socialistas como dos nacionalistas a estas dúas mocións”.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
